ردت عيونك علي عيوني السلام
بين نظرة يائس … ونظرة رجا

كانت النظرات بحر من الكلام
من غرق فينا ومنهو اللي نجا !!

:81:

يقول عبدالرحمن جزاء :
طيفك ورا ماله عن العين مجناب
شكلك موكل في غيابك طيوفك .

اقدر ظروف .. الوجيه المفاليح
وابقى على هقواتها الي هقت بي".

:81:

يقول سعد علوش :
حضن صدره بيده وكن في ضلوعه طير
ماهو خايف من البرد خايف من شتاته ..

قال : انا كنـي غريـب ضيـع دروب المدينـه
قلت : انا كنـي مدينـة تنتظـر رجعـة غريـب .

:81:

الليل والعزله وقافي ومعناي
والأمنيات الناجيه والغريقه

ياخذني التفكير فيها من أقصاي
لين الصباح يفك بـ الشمس ريقه

أصغر مشاريهي على أحلام دنياي
و إن ما صفت لي جعلها في حريقه.

إن غاب يتـرك في غـيابه فراغـات
وإذا حضر يحجب حضور البقيــه .

:81:

ليت طبع الناس من طبع الغصّون
ان تعلت ظِل وان طاحت حطب ..

يقول عايض العاطفي :
صار حبك مثل الأيام من عمر السجين
تنحسب له في حياته .. وهو ما عاشها .

يقول سعود مبارك :
نبت بيني وبينك جرح تسقيه العيون دموع
واخاف يجف دمع عيونا و يموت غالينا.

حي الله إللي مجيّه يشرح الخِاطر
اللـي حديثه قـراح وشوُفته سـلـوى.

:81:

قال مزيد الوسمي :
ياصوتك اللي مرحباه أوّل حكاه
كان الوحيد بزحمة البرد .. دافي

ياما على احباله نسفت المعاناه
أزعل ويرضيني بشكل إحترافي

:81:

كل عام وانا احبك اكثر من العام..
على مرور الوقت من غير تحديد..

:81:
:81:

ألا يارب غفرانك ليا جيناك في الميعاد
عرايا ما علينا إلا الذنوب و قلّة الحيله.

يااارب :palms-up-together_1

على مقبرة ……. يالغيم أبو رعّاد
أبي ديمة ٍ زرقاء على الأرض ترجدها
ٰ
على قبور ٍ تضم الفضايل بشكل أجساد
وعلى ضحكة ٍ أبيع عمري وأشاهدها

ياارب جنة ( لأبي ) عرضها السموات والارض :palms-up-together_1

لبى تجاعيد وجهك داخل الصورة
وجدي على حبّة الصورة وراعيها

ياجعل قبرك يشع من الرضى نوره
فرقاك ..هي والله الفرقا وطاريها:broken-heart_1f494:

آآآمييين ويبقى نوره الى يوم يبعثون

ذكريات تعبر العمر طرقيه
وذكريات في وطنها ومرباها

النوم كنه يخاف ان السهر يشمت
ياتي وهو من هجوس الليل متزرّم

ذي حزته كل ليله يقلط ويصمت
ويهوجس شوي فالفنجال، ويكرّم.

ضيقة الصدر مرتبطه بوقت الغروب
كان شمس النهار تطيح في صدورنا

أثر الأماني وارفات ظْلال دانية القطوف
و الأمنيات أكثر ما يخشى الحالمين إسرافها.

حالة شعورية تنص ع العزلة :
الخاطر اللي يلحقه في تالي الأيام جور
يحتاج له عزله عن العالم وصبرٍ يسعفه

:81:

هاجس للحظة ،، الشاعر فلاح القرقاح :
ياليت الزمن طيرٍ يعوّد على الملواح
بردّه .. ولا أدري وش أردّه على شانه

:81:

ياللي عليك ضلوع صدري موصّاه
تضيق لكن تاسِعك كل ما جيت "

:81:

الخاطر مْن أدنى التفاصيل حسّاس
حتّى الهوا يجرح شعوري نسيمه ..

:81:

و ليه المطر بالذات ريحه . . و صبّه . .
كنّه رسولٍ بين الأحباب بالـذات .

:81: :81:

جاني مثل حلمٍ تمنيـت شوفه
وجيته مثل غيمٍ تباريه الأمطـار

:81:

خذ آخر تباريح السهر ، عاشقك مازال
على حطّة يدين المقادير .. ويدينك ..

:81:

خذ آخر تباريح السهر ، عاشقك مازال
على حطّة يدين المقادير .. ويدينك ..

:81:

من غلاك إن هبّ من صوبك ذعاذيعٍ نديّه
قمت أفتّح في ضلوعي طاقةٍ في جنْب طاقة"

:81:

طبوع البشر ترخص بعض و اليدين ملي
ولا تدري بقيمة بعض لين ياتي علم

يضيع الثمن وقت الرخاء والونس و الغي
وتصد النفوس عزاز وأفواهْ أهلها بلم ‏

الاحلام عادي ، لو ماحققت منها شي ‏
عذابك من أشياءً في يدينك وصارت حلم

كلهم ظن وهقاوي ويمكن واحتمال
وانت عذراً ينزع الشك من وجه اليقين .

:81:

والله إنّك يميني يوم هالعالم يسار
وأنت نوري . . وباقي الدنيا سواد

:81:

قاعدة ابدية :
من يواسي نفسه على صعاب الأمور
ما تظره حسايف الوقت ولا تلحقه .

ياللي تفكون الغريم من الغريم
من ياخذ بثار الوصال من الجفا .

يقول سعد السبوق :
هنا سرّك فـ بيرٍ ناشفٍ دلوه على مسقاه
هذا أول بير لا يمكن يبلّ كبود راوينه.

نستشف الحزن .. وإرهاق المرض
من عيون الصابرين المُـبتلين

يا إلهي للقدر .. .. ما نعترضّ
إشفِ مرضانا ومرضى المُـسلمين ،

اااامييين ياارب :palms-up-together_1

وأنا داري مالي صدود عن المقسوم ‏
ومن لا تذرّا في ،، ذرا الله ،،، ما ذرّا

عساني على ماجاء من الله قوي عزوم
صبوراً على الضرا ،، شكوراً على السرا

ياارب :81:

ادق على رقم وراعية مدفون
حسبت جوالة ليا دق يوحيه .

ما أقول لاصاحي ولا أقول مجنون
أقول ملهوف على صوت راعيه. :broken-heart_1f494:

يامال الجنة البارده يابوي :broken-heart_1f494:

مدغم أبو شيبه يقول :
ودّي إني في المجره وأسولف للنجوم
لا أتكلم مع أهل الأرض ولا أسمع كلام

احفظ لسانك لابلوك المعاثير
والكلمه اللي دون ميزان خفها

يجوز ترمي كلمةٍ دون تفكير
والصبح سودان القلوب تخطفها.