«أنا وقلبي مثل نوح وولد نوح
نصحته، وعيّا يطيع النصيحة»
- خالد مبارك

وفي نفس السياق يقول /

عايض العاطفي
حاولت فيك وصرت كنك ولد نوح
ناداه ابوه ولاركب فالسفينه ..



:81: :81:

‎علمني وشلون تشرح حبك أربع حروف؟
حملّت كلمة أحبك فوق مالا تطيق

تقول ياليت مال الناس عندك شفوف
و اقول احبك ، و غيرك جعلهم في حريق :81:



:81: :81: :81:

دام حبك سالب مهجة الخفاق سلب
حبني والغيره المفرطه وش لك بها ؟
َ
من كثر ما احبك احس مايكفيك قلب
ليت عندي عشرة قلوب وأحبك بها :81:



:81: :81: :81:

الأمل ثابت.. والأيام تعدي
في رجا اللي ما يخيب الظن فيه

منهو أكرم منه وأرفع له يدي؟
منهو أقوى منه وأتوكّل عليه؟



:81: :58: سبحانه جلّ شأنه :58: :81:

يارب عنا ، على التقوى ، وزدنا ثبوت
في مغريات الحياه ،، اللي علينا تمر

نلهى والايام تجري والليالي تفوت
والعمر محدود والدنيا الدنيه ممر .



:81: :palms-up-together_1 يـااارب :palms-up-together_1 :81:

‎"اطيح مثل الجمل واقوم مثل الحصان"
ما لـ الكرامة - على وجه البسيطة بدل

إن غاب وجهي عن اللي يكسبون الرهان
ما بان وجهي - مع اللي يخلقون الجدل


:81: :81:

نعمة النسيان جزله ،،، وفي الدنيا سعه :81:


:81: :81:

ما شفت منه غير تم و تبسّام
ما كشّـر بوجهي ولا قد تردى .:81:



:81: أنششهد :81:

من طيب حّظي جابتك الأقدار لي
ومن عرفتك وانا أحبك كل يوم اكثر :81:


:81: :81: :81:

لولا سموم القيض ماجاد النخيل .. :81:

؛

فيني شعورٍ بالحشا بس يغليك
يهمس يقول إنك هواي ومناتي

لو غبت عني، ما تغيّب لياليك ..
تسكن تفاصيل الزمن في حياتي

وإن غاب صوتك كل نبضٍ يناديك
تبقى معي في صرختي في سكاتي

إنت الربيع وكل غصنٍ يزهّيك
تزهر على قبري وتلبس صفاتي

وأدعي ليا طيفك على القلب يطريك
طيفي معك دايم، ولو في مماتي

اسج رجلي عند تلعات الرقاب
واخاوي اللي عن عيوبي ما هرج

ابقى معه مثل الدعاء المستجاب
ويبقى معي في ضيقتي مثل الفرج

نعذر بعضنا كان غبت وكان غاب !
لا ينحرج مني .. ولا منه انحرج

على القدا يعدي مثل عدي الذياب
وعلى الخطا يمشى مثل مشي العرج

ان صرت له عن لاهب الكنه حجاب
يصير لي في مطلع ، القمّة درج :81:



:81: أنشهد جعل من جابه الجنه :81:

لا تشتكي للعرب وتقول ماني حظيظ
اقنع لو الثوب عاري والقدم حـافيه

كم واحد يخدمه حظه.. لكنه مريض
وده يبيع الحظوظ و يشتري العافيه



:81: :81:

أجمل عطايا الوقت إنسان وافي
وأجمل عطايا العمر إنسان يغليك :81:


:81: :81: :81:

يا مال جنات النعيم المستديم
يا وجهٍ اشتقت لـ حلو ملامحه

من يوم عني غاب والله العظيم
ما عاد نفسي لـ اي حاجه طامحه

لو الزمن في شوفته يصبح كريم
ساعه.. على شح السنين مسامحه



:palms-up-together_1 يامال الجنه الباره يابوي :broken-heart_1f494:

إليا حضر يغني عن الكل وينوب
وإن غاب ما كلٍ يسد بـ محلّه :81:


:81: :81: :81:

يارب كان الارض مدت وألقت
وردت حقوق عبادك المسروقه
.
وانعرضت اعمال القلوب وسلقت
إغسل سريرة عبدك المحروقه
.
نتعب على الراحه وهي ما خلقت
ونهمّل الطاعه وهي مخلوقه .



:palms-up-together_1 آاااميييين :palms-up-together_1

استغفر الله العظيم امن الخطايـا والـذنــوب
استغفرالله كل ما اركع في رحاب الله واتــوب
استغفر الله كل ما البس من ثياب الذنب ثوب
استغفر الله العظيــم ، استغفــر الله العظيــم

استغفر الله العظيــم اللٰـي عليـــــــه المُعتمـــد
استغفر اللـــي لا إلـه إلا هو الفـــرد الصمــــد
استغفر اللي منشي السبع الشداد ابلا عمـد
استغفر الحي الذي يحيي العظام وهي رميم



:palms-up-together_1 ياارب أغفر لنا :palms-up-together_1

كل ما جيته وانا صدري يطقطق من زراري
انفرش مثل النفود الي سرايرها دفينه :81:



:81: :81: :81:

عطايا الله واجد وأنت أجملها فداك الروح
عساني ماخلا من حبك الوافي ووقفاتك :81:


:81: :81: :81:

يقولون /

خالد الفيصل
اخاف يومٍ يجي ما عاد تلقاني.
؛
سعد بن جدلان
اخاف من صبر ع قل توفيق
؛
نايف صقر
اخاف اموت من الظمى م سقاني
؛
تركي الميزاني
اخاف لا صير من تحت الثراء والتراب.
؛
محمد بن فطيس
اخاف من الفرقا وهي ما بعد جات ..


:81: :81:

سليم الصدر "معافا"
وسليم النية "موفّق"


:81: :81:

فيني من الطيب ما يسعد عيون الرفيق
وفيني من العزم ما يدبل كبود العدا :81:


:81: :81: :81:

أحب النادر اللي محدٍ يطوله
وأحب كل صعبٍ، لغيري ماتهيّا :81:


:81: :81: :81: :81:

الحياه المستقره والامور المستتبه
والله انها تغني من احلام وامال واماني .



:81: :81:

معاك أحب السالفه وألزم الصمت
ولا تغارب ياحبيبي .. سكوتي

صوتك ليا مني سمعته .. تبسمت
لين ابتساماتي .. تبين بـ صوتي :81:


:81: :81: :81:

وطن ما أخترت أنا أكون المواطن أو تكون الدار
رمَت بأهلي مقادير الحياة، وجيت فـ رْبوعك

وطن .. مشكلتي أنّي حر، وأحرار الجبال أحرار
لكن وشلون أفضّل عن فضايّ: السجن فـ ضلوعك

لأنّك قِبلة الخطوة .. ووجهك وجِهة المشوار
يعنَّيني جفافك.. وأستقِرّ أن مالت فْروعك :81:




:81: :81: :81:

انا والله اني ماتهنى بحلو النوم
ورفيقي عليه هموم الايام ملتمه

اشيل الحمل منه واحطه علي واقوم
مقام يورد مظمي الما على الجمه :81:


:81: :81:

والله إني أبيع من سنين عمري فرح ومزوح
إذا كان المقابل ،،،،،،،، تبسام وجهك :81:


:81: :81: :81:

ليت العمر ينباع والله لشريه.
وأروح للطيّب وأزوّد سنينه :81:

وإلا الردي لعل تقصر لياليه.
ما من وجوده فايده خابرينه



:81: :81: :81:

يارب من غيرك لزلاّتنا يعفي ؟
يارب عفوك ، وتوفيقك ، وغفرانك

انا اعرف قوّتك وانت تعرف ضعفي
أذعنت لك لاإله الا انت .. سبحانك .


:81: :palms-up-together_1 يااارب :palms-up-together_1 :81:

جعل اليدين اللي على الطيب ربتني
تدخل جنات الخلد وتقطف ثمرها ..



:81: :palms-up-together_1 ااامييين يارب :palms-up-together_1 :81:

ما نبت ورد الغرام الا على كفّينك
يا بعد جور الزمان وسطوته و عناده.:81:


:81: :81: :81:

سم بسم الله على قلبي وضمه
أنت نبضه وأنت حسه وأنت همه :81:


:81: :81: :81:

لا قبلك وما بعدك أحد
أنت ختام الاشياء فيني :81:


:81: :81: :81:

يارغبة عُمري يا أمنية قلبي وكل أحلامي.:81:



:81: :81: :81:

ليت الاحلام سهله ، والاماني رحابه
وليت الايام رغبه ، والزمن يستجيبه


:81:

‎عرفت ان اللقا أرض ومدارات الفراق افلاك
تدور ايامنا حول التجارب ، والقدر .. أجدا

وعرفت ان الزهر مغري ولكن به كثير اشواك
يبي له من يعرف انه مع اوقات الفجر يندى

وعرفت ان العمر مهما يطوّل ما ينول رضاك
عجول الوقت لا انهى رحلة سنينه قبل تبدا

وعرفت ان دمعة الغيمه تصب الروح في دنياك
كذا طبع العتب صاخب واذا ملّ الصخب يهدا

وعرفت انّ الطموح دروع لا صار المدى فتّاك
اذا استسلمت لـ العثره ترا المقبل عليك اردا

وبعد عثرات ودروس وسنين و تجربه وادراك
عرفت ان اكبر كنوز الحياة الفانيه .. " مبدا "


:81:

اعتبر صمتي محبه يالحنون المدرك
انت غير الناس هاذي لابغيت الزبده

علق الشطر الاخير قلادتن في صدرك
من فقد مثلك فقد له قطعتن من كبده. :81:



:81: :81: :81:

يالله مشينا حط كفك بكفي
ولا عليك مْن الزمن والحداثه

انا لو احبك عمر ما يكفي
احتاج لي عمرين ولا ثلاثه .:81:


:81: :81: :81: