أنا حمست العز في داخلي حمس
وهـيّلت فنجانه وقـنَدت راسي

إن جيت للوحده، فالوحده تناسبني
وإن جيت للمجتمع لي وجه وأواجه.

عندي يقين ان الليالي المقبله ماهيب سود
انقى من قنوف السحاب اللي تلوح بروقها"

سلّم على أغنياء العالم العابسين
حنا نشب الحياه .. ونضحك لنارها.

احيان اعسف الصعب واعقده واحله
واحيان حتى الهبوب . . . يجرّح فوادي ٰ

لو قدرت اقنع النسيان بـ أعذاري
كيف أقنع وفاي اللي على الفطرة ؟

نصيحة سليمان المانعه
موجعه لكنها تحفظ الغلا والود
<< لا تفتشين جيوب ثوب التفاصيل >>

والله إني عارف دروب الكلام الجارح
بس أجنّب حشمة ، وخشية ، وذل مْن الله

القدم تمشي على شف القلوب
والمحبه مثل خيمه تشد اطنابها

ديره لا جيت باطرافها كنك مغصوب
وديره من حب اهلها تحب اترابها.

ليا مرني طاريك، وجه الحياه يزين ،
" واذا غبت مالي في ملذاتها حاجه "

المقابل تنفتح له دواليب القلوب
والمقفي قلعة الوادرين .. تودّره

ماني من اللي يلحق الطير لاطار
من راح ما حد يتبعه غير ظلّه.

خريفك طيّح أوراق الغصون وذرَّها النسناس
‏وأنا فصلٍ تعدّته الفصول، وماهو بْراضي

‏تحسب أنّي تجاوزت المطر بغصوني اليبّاس؟
‏وصبر [المتّهم] على أمل نزاهة [القاضي]

‏تجيني، يزدحم بك كل دربٍ فاضي مْن الناس
‏تغيب، وكل دربٍ مزدحم في غيبتك؛ فاضي

لأنّي مثلك أشعر كل ما هبّ الهوى: بإحساس
‏ما عاد يْصادمه عقلٍ نبيْه، وقلب متغاضي

وطن ما أخترت انا اكون المواطن او تكون الدار
رمَت بي مقادير الحياه وجيت فـ ربوعك ،

وطن مشكلتي انّـي حر و احرار الجبال احرار
لكن وشلون افضّل عن فضاي؛ السجن فـ ضلوعك

لانك قبلة الخطوه .. و وَجهك وجهة المشوار
يعنّيني جفافك .. و استقر ان مالت فروعك

ومن أداب الخصومة
يقول مساعد الرشيدي :
ان تصافينا قلبناها محبة
وان تجافينا قلبناها مراجل



من آداب الرحيل
يقول محمد بن جار الله :
انا حياوي وطبعي من صغر سني
افارق الناس قبل اجرح مشاعرها !

نفوسنا الطيبه ما تترك الطيبه
نبغى نخالف هواها غير تمنعنا

الله خلقنا كذا في خير تركيبه
على تطباعنا تطغى طبايعنا

كم واحد لا طمرنا الي يهذري به
عود علينا تقول انه بيطمعنا

نرمي عليه الستر يقوم يرمي به
متمادياً في تصرفاته الرعنه

هذا ومثله ماندري وش نسوي به
امور تومي بنا وامور تردعنا

صراعنا الداخلي ماهو يدري به
متعود يغثرب وتصفي منابعنا

أثاري الطيبه الي مالها هيبة
تروح في الناس لا قيمة ولا معنى .

باب ماجاء في حقوق المحبة :
له علي إني اعطيه الوجه ما اعطي القفا
ولي عليه انه يحاول بشتّى وسايله..

جيتك على وضح النقا ما تلوّنت ..

أن تعدّتك المشاريه وأخطاك العتاب
أعرف أنك لا أنت سنافِي ولا أنت أجودي!

من نهاية العلاقة اللبقه /
مريت في قلبك كريم
ورحت من ضمن الكرام

بعض العرب مثل البيوت اليتيمه
يغنيك عن كل القصايد وهو بيت
،
،
:81:

غلاك عندي مثل اللي يحتمون الدخيل
تموت دونه رقاب ولا يمس منه شعَرهـ .

يقول فهد المساعد :
" أحسب أيام العمر راحت عليّ
مادريت إن أجمله فيما تبقى "

:58: أمي :58:

ليلةٍ منتي قمرها ماتغشّاها السكينة "
رفعت الجلسة :raised-hand_270b:

ضيدان يقول :
تفاهمنا على حسم الأمور وكلنا راضين ،
وتوادعنا ما كنّ قلوبنا خضر وهواويّه".
و عقبها قال :
"ومع هذا عجزت اسجّ وانسى وأترك المقفين ،
أغصب القلب لكنّ الغلا قدره الاهيه".

ماتزعزعنا الظروف وماتغيرنا الليالي
انتبسم لليالي كثر ماجابت وودت

‎كم خذت من قلب ذيب وراس حر وعين غالي
‎وكم عطت يمنى بخيل وراس لاش وكم مدت ؟

علمتنا مانغيب ومانصد وما نبالي
لين وقفنا وهابت من مواقفنا وصدت

هاللّيلة هي اللي قال عنها الشاعر :
"ليلة شتا والريح خلف الشبابيك
يعزف على صمت الشوارع حنينه".

فوبيا الكِرام : الا تكن ثقيل على أحد ..

اللي يبينا عيَّـت النفس تبغيه
واللي نبيه عيَّـا البخـت لا يجيبه"

رُفِعت الاقلام و جفّت الصُحف

لاغشاك البرد ياسمح المحيا
‏احطب الطارف من ضلوعي وشبّه

‏هات من عذب السوالف ما تهيّا
‏ودي امسك صوتك بـ كفي واحبه "

:81:

تعال نسامر الليل على نور القمر
وإن غابت القمرا نسهر على نورك

:81:

تخاوُيت انا وياه حب ولطف وليِن
يجيني على ودّي واجيلهَ على وده

:81:

:58: أبوي :58:

عساك بالجنة ياصوت فقدت حكاه
وياوجه ماغابت ملامحه عن بالي .

يامال الجنة البارده :broken-heart_1f494:

أحبك مع إن الحب جرح و بكاء و ذنوب
‏و صمتٍ تسولِفه الليالي على القمرا."

:81:

صح ماودي بهجرك لو يطول السكات
‏بس ماودي بوصلك وانا مانيب انا ..

مسآء الخير ثم :
أضحك ترى عوج الليالي مدابير
وما للخلايق في قضا الرب حيلـه

قل للمدن لو تتسع وسعها حبْس
طفل القرى لو ضاق ما تحتوينه

سَعد علّوش :
تدرين ويش أسوي ليا اضناني الشوق ؟
حمد البريدي :
اتخيلك غيم و إيديني مصبّه

:81:

صوتك الموج والمجداف والمينا
‏صوتك الناس لوني في خلا خالي

:81:

كنت أحسب اللقيَا مسرّات وفروح
واثْر العيون ليا تلاقت تبَاكت

-ضيدان بن قضعان.