‎اكتشفت ان الحياه بكبرها قطعة مسافه
تغوي المفتون لين العقل يصحى و يتنبه

و استعذت من الدروب اللي نهايتها حسافه
قبل ترميني ملذات الزمن في جوف غبّه

ما يخاف المؤمن اللي فيه من ربه مخافه
مصدر الخوف الحقيقي واحدٍ ما خاف ربه

و الوجيه اللي ما ترجي من عباد الله مرافه
لو تموت من الظما و الجوع ماها ما تصبّه

في المذله دايماً عذر الذليل يكون تافه
لو ما يلقى له سبب للذل؟ ذل بدون سبه

و المحبّه بعد كره .. تكون من داعي نظافه
البلاء فـ اللي يحس بـ كره من بعد المحبّه

شيمة الانسان ميزان اعتداله وانحرافه
تنذره لا شافت الاوضاع ماهي مستتبه

ان عجزت انك ترد النفس عن شيٍ تعافه
ما قدرت تحط نفسك في المكان اللي تحبه


:81:

حتى الهدايا الغالية لاجتني من يدك غير
أفرح بها ما كن كد جتني هديّة غالية :81:


:81: :81: :81:

انا راضي ومستمتع على تشتيتي،
شتتيني ياحلو وجهك وحلو شتاتك :81:


:81: :81: :81:

معك اغتنيت من الهوى والحب يا مال الغناه
وحبّبتني في ايامي اللي ما هقيت احبها

أنت الحياة اللي عطت للناس معنى للحياة
وانت النعيم اللي عليه الناس تشكر ربها :81:


:81: :81: :81:

وجهك عافيه ومصدر دعم
وحبك حل للصدور الضايقه

الصبح من دونك ماله طعم
ليتك لو تلحق اخر دقايقه :81:



:81: :81: :81:

عسى ربّي يخليك لعيوني
وعسى ربّي يخليني لعيونك :81:



:81: :81: :81: