منتديات أمل عمري - مساجلة بيني وبين برّاق

مساجلة قديمة بيني وبين أخوي وسندي
برّاق اتمنى ان تعجبكم
البداية كانت عندي

قالو ا لي أقصد واسترح واشرح البال
خل القصائد تعطي علوم عنها

ووصف لنا عن روعة الليل والشال
والورد الأحمر لاطلع في وجنها

عطنا سوالفكم على كل أبوحال
اليوم يومك والزمن ذا زمنها

قلت أعرف ان الغالية بنت رجال
وان الوفاء هم ونهض واحتضنها

وان أزرق الدمع الوفي دوم همال
وقالولي ان الهم ياكل بدنها

هذا الغلا عندي لو أموت مازال
وبصروح صلفات المواجع ثمنها

و برّاق يعرف كيف للشوق موال
الحزن فيني والتناهيد منها

حرام لوقلت أنها تسكن البال
تدرون أبسكت دام روحي وطنها

رد برّاق

حيرة غلا لوتنشد القلب ماقال
الا كلامن لوحكيته طعنها

أخجل واسولف للورق وآصل الجال
والقى نهاية ماكتبته رسنها

مهرة قصيدي عيبها طيّبت فال
أصيل ماتزعل على من شحنها

تدمح خطاي وتجمع الولف بهبال
لأول جنونن بالغلا مفتتنها

عطوف وأقرب مالها عطف الأطفال
عطفن ينسي كل روحن وهنها

لو ببراءة وجهها تكتب أمثال
لاأقول يغليها العفاف ورهنها

سطّر بترفات الورق عذب الأقوال
أن الغلا هز القلوب وفتنها

نبراس عطها من عذيّات الامثال
يمكن تذوب قيود حبن سجنها

الله عليك وسبة الجرح مازال
هج بذلول الحب وأخلف ضعنها

ومادام باقي للمواعيد جمّال
عل وعسى ياصل قصيدك وطنها

تحياتي للجميع