|
امحشمين الكلب من حشمة هله ونقدره
السلام عليكم ومصافحه اولى متواضعه اضعها بينكم من فيض ماكنه هجوسً مصدره بحراً غزير= غبة بحر وامواجها تصفق يمينه بيسره تسعين قامه طولها وتحير افكار البصير= فيها لبيب المعرفه يحتار فكره وابصره منها استمد القوه اللي حدها حد الشطير = سيفً يشيل السم بطنه والمنايا بضهره حسبي على منهو حداني واعترضلي فالمسير= شيطان ابن شيطان زيره كل ليله ينقره ياللي على المقفي رحاتك بالنمايم تستدير= عطني نهايتها معك واللي سواتك نستره هذي ثلاث سنين ساكت عن علومك ياحقير= امحشمين الكلب من حشمة هله ونقدره لاكنها طالت ووصلت للصغير وللكبير= واليوم من فوق الصفاء نوخ بعيرك واهجره نوخ بعيرك والرغى مكروه من بعد الهدير= كم ً غشيمً وقعت شلفاه في عرض نحره هذي رساله رمزها ماهوب مجهول المصير= تاصل بريدك والمعاني والحروف مشفره وليا قريت احروفها راجع ضميرك واستخير= العقل مابينه وبين الجن ياغير شعره وان عدتها والله لتونسها على الظلع القصير= وانكان ماني قدها قولو ترا مقعد مره |
مرحبا الف وهلاوسهلا
الساعه المباركه تواجدك معانا اتمنى لك التوفيق اما عن القصيده ماني شاعر ولكن مثل مايقولون اكتب الشعر على الخفيف لكن لفت انتباهي ياالطيب الغالي عنوان القصيدة} امحشمين الكلب من حشمة هله ونقدره}رغم انا القصيده مقصودبها شخص اعتقدغيرمتواجد بها المنتدى على العموم حياك الله بين اخوانك وخواتك بها المنتدى اخوك سلطان |
الله اللخ صح لسانك وسلم بوحك واحساسك يانقي ابدعت وحياك ربي بيننا نورت المنتدى يامبدع
|
ان الاحرف والكلمات تتسقط من لساانك مثل الذهب والماس
ماروع ان يستطيع الانسان منا ان يعبر مايجوب في خاطره ويسطرها لنا جملا وكلمات عذبه كم هي رائعة هذه المشاعر كلمات رائعة احساس اروع صور مزهره ورود يانعة امتزجت بجمال التصوير دام قلمك وسماء فكرك |
اقتباس:
شرفت بردك الجميل |
أهلا بك بيننا
وسلمت القريحة بما جادت كان لي زميل في مكان آخر يدعى سند الدغيلبي كان شاعر ومحاور من الصف الأول هل يقرب .. لك ؟ |
وان عدتها والله لتونسها على الظلع القصير=
وانكان ماني قدها قولو ترا مقعد مره الشاعر مقعد هلابك بيننا وأعتذر لتأخري بترحيبك باراعي الاوله .. صح لسانك ولك مني كل التحاياا.. تقديري |
صح بوحك
ولا تبت يداك قصيدة جزله ابدعت فيهاا |
هلا بك وغلا
نورت وحياك الرحمن مصافحة اولى رائعة ولو انها شديدة اللهجة سلمت وصح بوحك وبــ انتظار جديدك |
**
حسبي على منهو حداني واعترضلي فالمسير= شيطان ابن شيطان زيره كل ليله ينقره *** شاعرنا القدير .. مقعد الدغيلبي .. مصافحة مبدع كالعادة صح قلبك والنبض .. ** وبانتظارك بشوق وبانتظار محاورة من النوع الثقيييل كما اعتدت عليك:) لك الورد :27:وتقيمي و100 مشاركة |
سطور نالت الإعجاب برقي هذا الطرح
وهذا سَّــر إبداعك وذائقتك المُتميزه سوف آظل أترقب الجديد بكل شوق لك كل الود والاحترام |
| الساعة الآن 03:09 PM |
Powered by vBulletin® Version 3.8.8
Copyright ©2000 - 2025, vBulletin Solutions, Inc.