|
فهد ومحبوبته هيفاء
أحبتي في الله السلام عليكم ورحمة الله وبركاته أسعد الله مساكم بكل خير واسأله تعالى أن يكون الجميع بخير وعافيه مسرات القحم الواصل ثلاث الأولى أن اكون مع الله في كل زمان ومكان والثانيه أن ارى أبنائي وأهل بيتي وكل من يعز علي في خير ونعيم من رب العالمين والثالثه أن اراكم وأنتم ترفولون بثياب الصحه والسعاده وأن يكون مردود كلماتي أبتسامه تشرق بها وجوهكم ربي يحفظكم ويبقيكم أما بعد أحبتي في هذا المساء الجميل بأنفاسكم الطيبه سيكون معكم القحم في قصة ممتعه وارجو لكم وقت ممتع وأنتم تشاهدون السيناريو والمونتاج والأخراج ؟؟؟؟(قصة زواج المتيم فهد بن محمد) فكرت وانا اكلم نفسي ياقحم خلك كريم وروح اسأل عن صاحبك وحبيبك فهد شاعرنا الحبيب الذي يعاني من شتات في الفكر واللب فقال قلبي خيالك صادق ياقحم هي زياره تكسب منها رضى الله وتسربها صاحبك وربما تخفف عنه بعض الشي توجهت لديوانيتة العامره والتي تقع في الجنوب الغربي من المنتدى طرقت عليه الباب رد من بالباب من أنت أيه الطارق قلت انا القحم الواصل صاحبك رد علي مرحبا حبيبتي المسكين رايح وطي وماعاد يفرق بين القحم ومعشوقته قام يفتح الباب وهو ينظر في كل ألأتجاهات ضاناً أن فاتنته هيفاء خلف الباب رد علي بصوت شاحب وعيون ذبلانه وكأنه محارب النوم من زمن سلمت وجلست وقال الله يحييك ياقحم العفاريت أنت السبب وأنت سبب بلواي فقلت خير يالحبيب وانا وش سويت قلت لك حب هيفاء تلك الفاتنه أنت رحت ضيف شرف ومرافق لعروس صديقك حبر مدري ورق ورجعت مصاب بسهم من لحظ هيفاء فما ذنب القحم الواصل أبتسم أبتسامه خفيفه ليرضيني ضربت على صدري وقلت ما عاش من يكدر صفوك يافهد ساكون في مقدمة الجاهه وسمعت أن قلادة طهر لها معرفه بالجزيره وأهلها فلها صديقه متزوجه هناك وستكون عوناً لنا في موافقة هيفاء بنت ماء السماء انطلق لسان العليل وتهلل جبينه وتفصد عرقاً من الفرح وقام يصب لي قهوة ويقرب التمر والطحينه والمكسرات اليونانيه وبعض الحلويات من باتشي الله يافهد وش غيرك بهذه السرعه قال لاتلومني انا كمن عاش بعد موت قلبي تركته مرمي على شاطي جزيرة الكراديس والرباط في يد هيفاء مسكين كسر خاطري طمنته وطبطبت على ظهره وقلت لا تهتم القحم قدها خرجت من عنده وأتجهت لشيخ قبيلة السنابك الشيخ قشموع ابن جراح ليكون معنا في الجاهه فأبدأ استعداده وقال ابشروا بسعدكم في الوقت اللي تحبون قشموع رهن الأشاره ارسلت فوراً فاكس لأبنتي قلادة طهر وقلت جسي نبض هيفاء عن طريق صاحبتك سمسمه وخليها تتكرم بمناقشة هيفاء وأخذ علومها من أجل تسهيل مهمة الجاهه وربما يسكن قلب وعقل العليل فهد الذي سلبته في ليله مقمره ومنوره وهي ليلة عرس صديقه قالت أبشر يابوي وكم فهد عندنا هو واحد والواحد الله سبحانه اعتبر هيفاء وافقت ولم يبقى الا الجاهه ومناقشة بعض الأمور تطمنت انا وقلت ساعة الفرح حانت ومعاناة المتيم ستزول والله يتمم لنا بالخير أخذت راي الكبار ليكونوا معنا في الجاهه فرحبوا بالفكرة وقالوا لعيون فهد وهيفاء كل شي يهون جهزنا الهمر العنابي وبلغنا قشموع يتجهز وركبنا الهمر حق حبر مدري ورق وعاشقنا المسلوب العقل لايستطيع قيادة السياره يقول أخشى أن تخونني أعصابي فتتعرضون لأذى لاسمح الله وانا أخاف على نفسي فانا مقبل على حياه جديده وحبي في أنتضاري هههههههه هذي ضحكة الشيخ قشموع توكلنا على الله وعلى جزيرة الكراديس على شاطيها الجميل سمعنا صوت اليخت الجميل يعزف طاقمه أجمل المقطوعات الرومنسيه هذا كله بفضل الله ثم فضل صديقة قلادة طهر التي اعدت كل شي وفرشت الورد في طرقات القصر ونصبت الرايات البيض للقحم وصحبه جنبنا الهمر وامتطينا اليخت الملكي وصلنا وتم استقبالنا ووجدنا الشيخ بدر ماء السماء والد هيفاء في مقدمة المستقبلين وكان بينه وبين قشموع معرفه قديمه فعمل لنا شان من أجله صاح مرحباً ارحبو حياكم الله قال يالربع معكم عزيز علي وبنتي لو كانت شاه ما عشتكم سكن قلب العاشق وكأنه حاز سواري كسرى أنو شروان ههههههه هذه ضحكة الواصل طلباتك ياشيخ بدر قال سلامتكم شروطنا سهله وميسره ولانطلب الا اليسير ليكون الزواج مبارك أهم شي راتبها لايتجرأ عليه فهد ولايطلب بطاقة الصراف فهي عامله في مجال الأبحاث والمحافظه على البيئه وراتبها يجري حتى وهي في عصمة فهد أن تم النصيب قلنا مافيه مشكله بسيط والمهر عشرين أوقيه لبان وعشرة خرفان واربعه من الصملان وناقه حلابه وسلامتكم ارتجل شاعرنا فهد بقصيده عصماء بس مافهمت منها شي فذاكرتي مخرفه تم المطلوب وأقيمت الأفراح بهذه المناسبه وعقد النكاح واستقر قلب المتيم الذي كان دائم الخفقان وحان موعد العوده للديار واقامة الأفراح في مقر الأقامه وعلى ضفاف أمل عمري جاري التجهيز والتنسيق مع الشعار واصحاب المزامير وشبة النار واشعار الصبايا بما يجب عليهن فعله لأستقبال العروس واحياء ليله ليس لها مثيل وسيكون فرح مطنطن وله جلجله ويعتمد الأمر على اعجابكم بالقصه وردودكم المحفزه للقحم الى ذاك الحين اترككم في رعاية الله محبكم القحم الواصل أحب أن انوه أن الواصل محافظ على قانون أبا نواس على أن يرفع العتب ويمنع الزعل والجزاء قطع البراطم لمن يبدي الزعل أو يعترض فمن يستغني عن براطمه يستاهل أما أنا فبراطمي غاليه ولا افرط فيها اتمنى يزعل العريس علشان نمسح براطمه قبل العرس هههههههه أهم شي بناتي لايزعلن لأن حياتهن بلا براطم ماتسوى في 1438/11/13هـ حصري لأ أمل عمري |
وانا قلت في شيء متغير ..
فهد مش فهد وحاله لا يسر والمجلس مقلوبة أوضاعه وهي الحكاية كلها هيفاء وجاهات و خطبة :134: وقلادة وراء القصة ولم تخبرني حتى أنها طلعت حولا مثل الصولا يعني يا بوي حظك إلا في اللي ما تشوفني وتخبرني أول بأول احسن شيء روح حضر نفسي وبنتي للعرس :129: أحسن يفوتني مثل مافات عرس حبر كأنك نسيت العراب .... :115: ما اخذتو معكم :101: |
ياسلام وش هالزين
هنا متيم ووجاهه وخطبه وحركات وسمسمه هذي وش دورها بالحياه بس تمهد طرق شوف ابوي الواصل ماعندنا حركات حب ومتيم وفهد مخطوب لبنت عمه والا محير البنت من سنين واللحين جاي يحب لالا يايتزوج بنت عمه والا فاليقطع رأسه مو بس براطمه وهمر وسياره عنابي وين راح حصانه الاشهب عسى ماضيعه وهو يبي يتحظر وها الهيفاء من عرفت ابوها من ماء السماء وانا اقول السالفه فيها عفاريت فهد شكله ملبووس ولازمه قرايه من شيختنا نوميديا^_^ ماشاء الله ابوي الواصل وش هالخيال جد جد قصه ممتعه ونهايتها حلوه لكن حسافه بيرجع فهد لبنت عمه يسعدك ربي وجبت قصه احسها راح تناسب خيال فهد ختم وتنبيه و200مشاركه وزود من هالقصص الحلوه |
نوميديا
هلا والله ومرحبا مليار يابنت القحم حياك الله ماشاء الله عليك شفتي كيف قاعدين نجهز للعرس وانا مانسيتكم دوركم كبير في الليله الكبيره وشيخ العرب العراب كنا بناخذه معنا بس كان عنده خطوبة لولده وماقدرنا نشغله وحبر مدري ورق تزوج من زمان ونحن مانعرف بس بالصدفه حصل أنها هيفاء من جماعة سمسمه وتمت الصدف وكانت الجاهه مختصره وابقينا عليكم لليله التي كلنا سنرقص فيها ونطرب حياك الله وحيا بنيتك وتشرفون وعلى الراس والعين هههههه تسلمي على المرور الرائع يا أم الروائع تحياتي وتقديري لسموك |
الله الله يالواصل
قصة. خياليه. جميلة. بصراحه انت.مؤلف. كبير. بالرغم لا احبب قرأت القصص. بس. هذي ممتعه جدآ سلم الفكر والبيان وقلمك شكرا لك |
قلادة طهر
هلا وغلا ومليون مرحبا شفتي كيف الواصل بيشتغل خطابه أخر عمره كسر خاطري فهد الغلبان يعشق عن بعد ويذوب قلبه بالحب ونريد نخفف عنه سمسمه صاحبتك وكان لها دور بارز وقشموع ايضاً يعرف بدر ماء السماء والد هيفاء الجاهه كانت معتبره والمسكين ماقال لي أنه خاطب بنت عمه وانه محيرها لكن سمعت أنه طفشان من عمه صاهود وبنته الحوراء والله يرزقه من واسع فضله كوني محضر خير والله يتمم بخير ونفرح بهذا الشاعر المغلوب على أمره وبنت عمه قد اطلق لها زمام الحريه وفك التحيير هيفاء مهرها قليل ووضعها ميسر وفي غاية الجمال حسب كلام سمسمه ههههههه وأنتي ماقصرتي كان لك دور مهم في توصية صديقتك سمسمه وفقك الباري ولك الشكر على روعة المرور تحيات والدك |
النقاء
تسلمي والله يحفظك اشكرك على مرورك وقرأة القصه من خيال الواصل وعدم حبك لقرأة القصص يعود لماذا المهم أنتي مريتي وقرأتي خرابيط الواصل واعجبتك لك الشكر واتمنى لك التوفيق والسداد تحيات الواصل وتقديره |
الغمام
هلا ومرحبا وتشرفي في أي وقت الله يحفظك وتقبلي تحيات الواصل |
صديقي الوفي الواصل كنت ما حبيت اعلن عن ما قمت به
من جاهة وسعي لن استطيع رد فضله لك لكني دعيت لك دعوات من قلب كنت اخشى انك ما تحب ان اظهر موقفك النبيل وفزعتك المحسوبة كان لا ليلي ليل ولا نهاري نهار كانت هيفاء كل شيء وكل نبض وما لاحظ ورصد وقصد واجاد وفزع إلا أنت أيه الوفي لك مني ومنها السلام أيه الشهم فكم كنت رائعا في كل لحظه تتذكر تناولني الكلينكس وحنا بالهمر العنابي وانا دمعة وفاء بمعروفك نزلت وقلت لي ولا انسى خذ منديل ولا تكثر ترا العلبة قربت تخلص الله أتذكر خذت اثنين وانت تطالعني تقول قلنا لا تكثر دموع ولا مناديل كم انت رائع حتى المناديل حنون عليها وهيفاء تقول اكتب به قصيدة قلت هذا ....... القصايد لو قصدنا ما تطوله ذا تعدا بالحقيقه مستواها أتكلم كيف بالله عن فعوله وهو تعلا للثريا ثم رقاها جاب هيفاء رغم ماهي بالسهوله كلمة لي قالها ثم احتماها قال ابشر ثم نفذ ما يقوله والرجال تبان في موقف وفاها ثم سرينا وشيخنا يم الحموله شافوا الواصل وقشموع وكفاها صيتهم طيب وعنوان الرجوله مارجعنا غير هيفاء في ذراها نحمد الله ونشكر الواصل وهو له موقف ٍ يحق له فيه يتباها طبعا لن انسى موقف اخي الكبير الواصل واشكر الشيخ قشموع ماقصر بجاهيته ومهما قلت لن اوفيهم حقهم بس التاريخ سيكتب مواقفهم وربما للحديث بقية |
تسلم وصح لسانك
تسلم وصح بدنك وبنانك وكامل أطرافك تسلم وتبقى ياحبيب اخوه الواصل القصيده زادتني نشوه على نشوه فرح القصيده رائعه بس المناديل محسوبه عليك ولن أنساها ياسلام على عريسنا المحترم ياسلام على الكلمات الرقيقه والجميله والتي انتفض منها قشموع طرباً وهاهو يتراقص عليها يقول أبغى من يلحنها لي واكون اسير تلك الكلمات الرائعه من عريسنا الرائع ايه كذا خلك فهد الذي نعرفه ابشر القصيده راح نرسل منها نسخه بالتلكس لهيفاء وماء السماء ونقولهم هذا حبيبك شاعر ورومنسي اشكرك يالحبيب على روعة المرور وجمال الحضور والقصيده الجزله بارك الله فيك اضن تنسانا أذا شفت هيفاء بس قلاده عندها بعض الملاحظات يمكن تنتهي بمرورك هذا فأنت بالفعل قد انهكك الهوى |
ههههههههههههههههه
هذا المستخدم. فاصل ضحك. والف مبروك للعريس. وانا. مع العروسه. اجهزها واكشخها مبار ك لهيفاء. وشاعرنا قيس. اقصد فهد واعضاء امل عمرى الشهود منك. المال. ومنها. العيال. بس. عاد اخوي فهد لا تقطعنا. الله يسعد قلبك. واصل يا واصل القلوب بالمحبه وادخال البسمه وربي. وانا اقرا ضحكة. حتى سالوني وش فيك طبب. ما. اكملت وين بيقضون شهر العسل ولا ذي خصوصية العرسان الواصل فعلا شي. ممتع ومفاجاه جميله وخروج عن الروتين وفال خير لشاعرنا فهد |
قلم جميل جدآ بالأسلوب السلس المرح ، |
..
كان جميل السرد والاجمل هذا الـتسلسل الفكاهي قصة أسعدتنا بحق ..' أسعدك الرحمن |
ممتعه يالواصل ..
وانا مثل ما قالت النقاء لا اجدني في القصص ولكن احببتها هنا ..كأنها واقعية.. وانتظر المزيد |
ملكة الأحساس
هلا والله ومليون مرحبا ماشاء الله ابارك لك في البشت والمنصب الجديد ولا أبارك لك في قلمك الرائع والجميل طيب ابارك لك في الأثنان الترقيه والمرور الذي يشبه الشهد الله يعينك ويوفقك ويقدرك على تحمل المهام الرقابيه فهذا تشريف وليس تكليف والأختيار موفق بأذن الله اما بشان مرورك العذب فتشكري عليه ولاتلوميني القصه جات على غفله وحزنت لما هو فيه الشاعر الهمام من هموم فحبيت اخدمه واخذ جاهه لطلب يد فاتنته واستبقيتكم للمهمه الأكبر ليلة الفرح والردح والرقص وأنتم قدها الله يعينك ومن معك اشكرك وتقبلي تحيات الواصل |
غيم
هلا ومرحبا تسلمي ولك الشكر من الواصل على مرورك الجميل |
تهويدة مساء
بارك الله فيك وحياك الباري وبياك وجعل الجنه مثوانا ومثواك اشكرك على روعة المرور والأعجاب وفقك الله لكل خير وتقبلي تحيات الواصل |
تناهيد
بارك الله فيك وحياك الباري وبياك وجعل الجنه مثوانا ومثواك اشكرك ياصاحبة الدار على روعة المرور والأعجاب ويسرني أنك قرأتي وفقك الله لكل خير وتقبلي تحيات الواصل |
جميل ما سطرتموه هنا من قصة وشعر ومشاركات
استمعت بما قرأت.... بورك فيكم جميعاً وبإنتظار القادم الأجمل دُمتم رائعين |
/
لي عوده افتقدت هذه .. الحروف .. منذُ مُده .. ذكرني ابتي حين عودتي ... الان مشغوله .. كذا يومين .. استودعتك الله |
ديما
هلا ومرحبا وحياك الله شرفتي الله يحفظك هذا طبعنا وأنتي من ربعنا فمليون هلا ومرحبا بالمرور وأهله تحياتي لك وشكري |
الصولجان
هلا ومرحبا وحياك الله شرفتي الله يحفظك هذا والدك وتلك خرابيطه وهذا طبعنا وأنتي من يشجع القحم أنتضرك وفي شوق لتعليقك الرائع تقبلي تحيات والدك وتقديره |
قصة فكاهية جميلة
وسرد ممتع لكن عندي سؤال وش معنى "القحم " رددتها بالنص ومافهمت معناها |
هلا وغلا ياوهج
نورتي الله يحفظك ويبارك فيك اشكرك على المرور وروعته وبخصوص سؤالك عن معنى كلمة القحم فهي تعني الشايب الرجل المسن الختيار أو الكهل وهذا تفسيرها ياوهج وفقك الله مرورك سرني تقبلي تحياتي وشكري |
| الساعة الآن 07:51 AM |
Powered by vBulletin® Version 3.8.8
Copyright ©2000 - 2025, vBulletin Solutions, Inc.