تستاهل !!!!!
 

https://scontent.ftip2-1.fna.fbcdn.n...b9&oe=5C60B9FD

ما تقلقي ياامّي حداك ولادك .. وما تهمّنا الاّ راحتك ورقادك
ما تشّوبي يا مينه.. ديما معاك وكيف ما تبّينا
من غير ندهه في الفزع تلقينا ..
أحني عزوتك وستارتك وعمادك
إلاّ في السلامة كيف عادك بينا ..
جايين في طواعك وفي مسعادك
وماهو جميل إن كان درنا الزينه ..
أنتِ قبلها فينا عظيم جهادك
قدّاش في ماضي الزمان علينا ..
احملتي حمولن ما احملنها اندادك
وقداش في عز الليالي رينا ..
سهورك،معاناتك, وقِل ارقادك
أتلطّي علينا "الحِمل" واتغطينا ..
أحني في الدفي والصقع مالي أفّادك
وقداش لقمة طيّبه تعطينا ..
ونفسك حرمتيها فشان أكبادك
ولوكان نسيوا الغير لا مانسينا..
ولا ينتسي فضلك أيام عنادك
يا من بحقّك ربّنا اموصينا ..
ورضاك بعد ارضاه هكي رادك
ما ننهرك بالموجعه والشّينه ..
ولا يوم نلوي زومتي فقصادك
يطوللنا فعمرك اللي بارينا
المولى الكريم اللي بفضله زادك


الدكتور عمر عبد الدائم .

الله يحفظ امك وامي
وجميع الامهات

والام فضلها يصعب رده
سلمت المهدي


تقديري..!

حفظ الله امهاتنا
سلمت
تقديري

.
.



مهما كبرت تظل صغير في عين أمك
الله يحفظ أمهات الجميع

اللهجة الليبية عجيبة والله
سلمت ي مهدي

...

الله يحفظ كل امهات العالم ..
وبارك الله فيك اخوي .. ودمت
براحه بال انت والوالده ..

أبلغها سلامنا من قلب المملكه ...