منتديات أمل عمري

منتديات أمل عمري (http://www.a-3amry.com/vb/index.php)
-   رشفات قواطر السحر (http://www.a-3amry.com/vb/forumdisplay.php?f=16)
-   -   لديـك رسـآله شعريـه , آضغط هنآ لقرأتهــآ ..!~ (http://www.a-3amry.com/vb/showthread.php?t=8487)

برّاق 02-04-2019 11:16 PM

لديـك رسـآله شعريـه , آضغط هنآ لقرأتهــآ ..!~
 
في هذه آلصفحات سوف ننقش جميعنآ
رسآئل شعريه جميله
لكل قلب شآعري
يهوى آلشعر وآلقصيد
فهذه آلصفحه سوف تحمل لنا آجمل قصآئد قد قرأناها
ونريد آن يشآركنآ آلجميع في قرأتهآ







ف مثلآ :~

* نكتب لكل (قلب حزين ) :
يا ضايق الصدر بالله وسع الخاطر
دنياك يازين ما تستاهل الضيقه
...........الله على ما يفرج كربتك قادر
والله له الحكم في دبرة مخاليقه
...........حلو العيون استهانت دمعها الحادر
كف العباير حزين الدمع ما طيقه
.........حسايف الحزن يغشى وجهك الطاهر
والورد في وجنتك حرام تغريقه


* وعن كل ( قلب رآحل ) :
فمان الله يا راحل وتاركنا بدون أسباب
....................سمعت الشور من حاسد ولا قدرت تاليها
نقول إرحل ترى ما عاد تفتح لرجوع أبواب
...................محبتنا الأصيله باقيه باسمي مباديها
يا راحل لو يطول البعد منا ما سمعت عتاب
.................نقدر عشرت الغالين والزلات نمحيها
رحيلك زود الحرقه وغرق بالدموع أهداب
................ولا هو باختيارك تقنع النفس بمآسيها
وأنا ما بي يبين الشرح للاقراب والاغراب
...............وتكفيك الاشارة والامور بيدك تنهيها
و أنا ما كنت أقول الشعر لو ما احس قلبي ذاب
.............عتب عيني على من هو حرمها شوف غاليها


*وعن لكل ( قلب يحب ) :
احبك يالغلا حبن تعدى عالم المعقول
.............ومن زود الموده صرت اشك بحبي لذاتي
احبك حب فوق الحب وحتى الشرح معه ايطول
.............ومن زود الغلا الفت بك اجمل رواياتي
احبك حب ماحبه على طول الزمان انسان
...............ابي قلبك انا المرهف امانه يابعد عيني
ترى حبك يزيد فيني واشوفه صاير(ن)بركان
..............ولاقوى اصد ناره ولاحد(ن) منه ينجيني
غرامي لك شعور ثاير معزه مع غلا وحنان
..............انا ميته في بركانه وابي القرب يحيني
تمنيتك صدى واحلام ولاصار بيننا ما كان
.............تمنيتك هقاوي القول ولا لحظه تخليني
رجيت الله يعطيني وصل حبك مطر هتان
.......... ابيه يسقي ورود الحب في قلبي ويرويني
عطش وردي وجاب الله سيول تروي العطشان
.........عسى وصلك علي دايم يرد الروح ويرويني
تقولي جيت هلاوالله سكنك الروح مع الأجفان
............واذا كان شفتها شويه تدلل يانظر عيني


*وعن ( آلعذاب ) :
يالتني في دنيتى ما تعذبت
.............والاعرفتك يا بعد كل غالى
صوتك يعذبنى وأنا آقول الاهنت
...........يامنيتى حبك يعيش بخيالى
الاتعذب المشتاق في حكمك امنت
.........راضي بحكم أيامنا والليالى
خذنى معك اللى تبى وين ماكنت
.........ماشى بدربك وانت عطنى مجالى


* وعن ( آلهموم ) :
اون ورياح الليالي توني"
..............والبرد في جوفي كما الغار خاوي
ماكن لي عقل ولا قلب كني
............جذع وقف في وجه الأيام ذاوي
وبي عبرة محبوسة تمتحني
...........وفي عيني وحلقي وصدري شكاوي
إن قلت زانت خالف الوقت ظني
.........وإن قلت هانت عاجلتني بلاوي
أجامل ايامي ولا جاملني
.........هامت بي الدنيا هيام الخلاوي
الوقت جاير والليال اسهرني
.........والحزن ما بين الضلوع متلاوي
أون وكل يحسب اني اغني
........عليل وكل يحسب اني مداوي



م / ن

آلمسآحه بين آيديكم ..!~

برّاق 02-04-2019 11:18 PM

صباح الاحلام .. غايب صار له مدّه
والشمس نامت ... مادام فراقنا شارق ..



خطاي ؟ بـ إن الوفا وصّلته لـ حدّه
مسروق ( يهدي عمر ) .. لا يزعّل السارق !



يقبل لي الحزن .. وآمالي بك .. تردّه
لكن وش تفيد ؟ .. وانا بالشقى غارق


طرقت باب (...) .. وانت مو قدّه
ليتك .. على باب تقدر تطرقه ... طارق


ودّي أكابر .. لكنّ الضيق ما ودّه
ماهي بسيطة عليّ .. أحبّ وافارق



وشلون ابـ ابقى .. وعيبك ماقدر اسدّه
صراحتي تزعجك .. ومجاملك حارق


فارق .. وخلّ القصايد .. واللي اعدّه
رح .. واعتبرني سما ... ما ضرّها بارق


خلّ القصايد فدا ... بسّ العمر ردّه
عادي .. لو يلقبوني ( شاعر مفارق )


جوّعتني شوفتك .. وارويتني صدّه
كان اختصرت الكلام .. وقلت لي : فاااارق !

برّاق 02-04-2019 11:20 PM

استسمحك و استسمح عيونك الحور
ماعاد ينفـع جـرح الايـام طبـك


مجبور اصد احساسك العذب مجبور
ماهو بكيفي حكـم ربـي و ربـك


ودي احبك بس ماعنـدي شعـور
عطني شعور وشوف وشلون احبك

عِأُزٌفَة أَلٌحّرٌوُفَ 02-05-2019 12:49 AM

رؤؤؤعه موضوع يزهو بالابياات

جميل ماجلبت لنااا،
براق تكسوك المخملية بحرفك

الشجي ،،والمواضيع الرائعه
كل الشكر والامتنان شاعرنا
العذب
تقييم وتثبيت وعجاب
استاذنا القدير
،،،،،،،،،،،،،،،،،،،،،،،،




في العيون،،







في عيوني حبك أكبر من كلامي خلها تحكي لك اللي ما حكيته ..

عِأُزٌفَة أَلٌحّرٌوُفَ 02-05-2019 12:50 AM

الغيره،






لا تشغلك غيره ولا يدخلك شك وخل الطواري عنك لا تستثيرك !

قلبي تراه من أوله لأخره لك ما شاركك في حبه انسان غيرك.

عِأُزٌفَة أَلٌحّرٌوُفَ 02-05-2019 12:52 AM

نصيحة،،




إحذر تصك الباب في وجه من جاك
وأحذر تبيع إنسان بالوقت شاريك ..

أمــــــل 02-05-2019 12:43 PM

مساحة راقية جدا ..يا براق
ولك :51: لحين عوده

النقاء 02-05-2019 01:05 PM

موعد

نلملم لحظة الذكرى على كف الصباح اشراق
متى يالحظة اللقيا يزور القلب ميقاتي




الشاعر الألق / براق
كل طرح لك يتميز ويعلو على ثغر الأدب قصيدةً لذيذة ،
شكرًا لقلبك. هذه المساحة

صويب العين 02-05-2019 02:14 PM

مساحة شعرية رائعة وموضوع مميز


تسلمت يمينك الشاعر براق

أمــــــل 02-05-2019 05:12 PM

‏لاتحتــري منـي , رسالــه وميعـاد
حتـى لو إنـَك , جايـب ٍ فينـي العيد !
خلنـا كـذا .. نشتـاق لأنـنـا بـعـاد
ونعشق بعض لكن , مـن بعيد لبعيد


الساعة الآن 01:08 PM

Powered by vBulletin® Version 3.8.8
Copyright ©2000 - 2024, vBulletin Solutions, Inc.