منتديات أمل عمري

اترك بقايا قلبي المكسور
ورى ضلوعي .. لبّه وقشره

واكشف قناع الواقع المستور
يا ممتحني ,, ضحكة وكَشرة

لا تنفعل وتشخص الأمور
واصدق معي واللي شراك اشره

الوقت يمضي والليال تدور
وتتغير الأشكال والبشرة

صارت علاقتنا بدون جسور
مفروض ما نعتب ولا نشره

منت بعلى بعض الحكي مجبور
تبي الصحيح وموجز النشرة

أنا عطيتك وجه صدق شعور
وخليتني مع الندم خشرة

الله يبيّض وجهك ومشكور
هذا جزا الأيام والعشرة

مشاعرك ,, مصطنعة وديكور
ونوعيِّتك بالناس منتشرة

سويت لك فلم وخذيت الدور
وأبدعت وأبصم لك على العشرة