منتديات أمل عمري

المُشكِلة

المشكلة عارفة إيه المشكلة ؟؟؟؟؟؟

إنك حاجة تانية كده ببساطة

زي وردة جميلة مُهملة

حاجة يمكن لسة مفهمتهاش

لحظة يمكن معشتهاش

حاجة في متمكنة

عاوزة تروحي روحي

بس إياكي روحي

هي دي المُعضلة

شيفاني وعارفة حالي

ومش همك ايه جرالي

قولي حتى مالك

يكفيني منك سؤالك

يمكن ساعتها أنهي المسألة

وتخلص ما بينا المشكلة

ليه الرد منك يدوب

كلمة قبل ما تكتبيها تدوب

حرف تايه بين قلوب

والأماني متأجلة

كُنت بقول كُلها كام يوم وتفوق

يمكن أعصابك تروق

يمكن شفايفك للضحكة تدوق

بس انتي باردوا مُصممة

أول مرة أوصل لحد الانهيار

مبقتش عارف اكتب ولا أسأل سؤال

والليل عندي بئا زي النهار

وأقول مشاعر متعشمة

يمكن غلطت في حاجات كتير

وجواي تأنيب ضمير

وسلوكي كان له تأثير

إنك تخلقي ما بينا مُشكلة

كان نفسي مرة تسمعيني

يمكن ساعتها تريحيني

كلمتين ما بينك وبيني

بس انتي دايما مستعجلة

كلام كتبته عشانك

تمسحيه ولا على بالك

واطلب تقولي كله هالك

دانا رسمتك حكاية ملونة

أوعدك إني خلاص

هبئا واحد عادي من الناس

وأرسم حدودي بالمقاس

وأنهي بإيدي المهزلة

http://a-3amry.com/up/uploads/15607188305581.jpg

بقلم ... عمرو الجوري