منتديات أمل عمري

منتديات أمل عمري (http://www.a-3amry.com/vb/index.php)
-   رشفات قواطر السحر (http://www.a-3amry.com/vb/forumdisplay.php?f=16)
-   -   الغلا (http://www.a-3amry.com/vb/showthread.php?t=13844)

مهابه 05-20-2020 11:13 AM

الغلا
 

الغلا ..

ياخلي كيفها دنياك ؟
يطول الصمت ماتسأل !
.. أهوجس ..

هي ظروف الوقت ؟!
وإلا غيبتي اجمل !
أو انك ماتطيق الصعب
وحسيت الفراق أسهل !
.. عمري ..

فدوتك مسموح ..
لاتشقى ولاترسل ..
وأعزك حاضر وغايب
.. وقلبي ..
عمره مايزعل ..



ماتت بقلبي الأسئله ..
ولابقى الا سؤال .!
عيا بقلبي لايموت ..
واليوم ودي اسألك ..؟!
وش اللي ياحبيبي غيرك ..؟!
من غير ذنب ..
وبلا سبب
عذبتني ..
ورغم الألم ..
.. تصدق ..
أشتقت لك ..



علامك ليش مهملني ..؟!
وفي رفك أنا تذكار ..؟!
إذا كان الهدف بعدي ..؟
أنا حاضر وممنونك ..
رجاي توضح أسبابك ..!
سكوتك زاد بي أفكار ..
إذا ناوي هوى غيري ..
عسى رب السما يصونك ..



تظن ان منزلك عندي صغير..
وما أفقدك لا غبت ..!
عسى الله لا يبين لك غلاك ..
وقدرك الخافي ..
أنا لو جيت ابوصف لك
مكانك عندي وحاولت ..!
بأقدم لك سكوتي ..
ماأحس ان الحكي كافي ..



جا يودعني ..
يحسبني قد الوداع ..
هو بقى بي حيل ..
حتى اجمعه ..!
شب في روحي ..
جنون وإندفاع ..!
ومدت عروقي يديها .. تمنعه ..
قال .. أحبك ..
وابتدأ الغيم أجتماع ..
قلت .. أحبك ..
والمطر في اضلعه ..
ترشف عيونه .. دموعي بالتياع ..
وتعطش عيوني ..
وتشرب ادمعه ..
يوم قفا ..
وانطفى ذاك الشعاع
طار قلبي ..
من ضلوعي يتبعه ..
قلبي .. اللي كلما يلقاه ضاع ..
كلما يغفي ..
بحضنه روّعه ..
وين أوجه ..؟
كل جهاتي ضياع ..
كل احاسيسي ..
توجهني معه ..!



هلا ..
بالخاطر اللي من عبيره ..
عطر الوجدان ..
سرى بين الضلوع ..
وفاحت الأشواق بعلومه
هلا ..
بالضحكه اللي جت ..
تشيل اللولو والمرجان ..
مع البسمه وهي في خاتم ..
سليمان معصومه ..
هلا ..
باللحظة اللي مايطمع ..
في عرضها النسيان ..
عليها تنحني الذكرى ..
وفوق الصدر مضمومه ..



أمانه ..
لا تجي منك مواقف ..
تجرح الاحساس ..
انا من لي غيرك ..
اذا صار الزمن قاسي ..
وامانه ..
لا تجاملني اذا نفسك تبي فرقاي ..
انا مابي يجي لي يوم ..
أكون لعزتي جارح ..



. وربي ..
مابكت عيني ..
على شي فقدته وراح ..
.. وربي ..
مانزل دمعي ..
ولو حتى على شاني ..
.. وربي ..
ماشعرت بيوم ..
صدري ضاق بي .. أو صاح ..
كثر ماضاق هالمره علي ..
وصاح حرماني ..‎
.. وربي ..
ماعرفت إن الدموع ..
إذا بكت أرماح ..
إلا من بعد منهو ..
فراقه حيل بكاني ..!



إنتثر في دنيتي ..
وحرك سكوني ..
وفي عيوني ..
ياعيوني بجمعك ..
تدري انك بالغلا ..
تسوى عيوني ..
ومافي داعي ..
كل مره أقنعك ..
غيرتي تذبح ..
وتفكيري جنوني ..
شف خفوقي ..
من هيامه يتبعك ..
لو يحول الوقت ..
من دونك ودوني ..
تنطفي شمسي ..
قبل ماأودعك ..



الغلا ..
أبسألك من أولك .. حتى آخرك ..
كم فصل يوجد بالسنه ..؟
خمسه .. ثلاثه .. أربعه ..!
أنا أشوف إن الفصول أربعه قبل أعرفك ..!
والحين .. خمسه بالسنه والخامس الله ماأجمله ..
خريف .. صيف .. ربيع .. شتاء
والخامس .. أنت .. ..
بالسنه .. بك تجتمع كل الفصول ..
غيوم .. وأمطار .. وزهور ..
بردك .. وحرك .. مع اعتدالك ..
فيها أنا .. أتنفس واعيش ..
والحين ممكن تقدر ..
عن هالفصول تجاوبني ..
إن جيت يوم اسألك ..؟

العنوود 05-20-2020 04:41 PM

كلك على بعضك رائعه

شكرا مهااابه

قيثارة 05-22-2020 05:43 PM

تلازمكِ العذوبه
ذائقه فاخره شكراً ي مترفه :81:

عبدالله 05-22-2020 05:57 PM

مقتطفات جميلة وذوق راقي


هكذا انتي يا مهابه علومك طيبة


سلمتي ودمتي بهذا الوهج

عبد العزيز البداح 05-22-2020 06:11 PM

اختيار
رائع سلمتِ

عبدالرحمن 05-22-2020 07:57 PM

انتقاء رائع
دام الوهج

الخشف. 05-22-2020 11:09 PM

ياذوق يامهابه
ممتنة

نجلاء 05-23-2020 12:02 AM

طرح عذب
التحايا وردية

رويم 05-30-2020 12:18 AM

ذائقة جميله
ابدعتي
تحيتي لسموك الكريم

غموض 06-06-2020 07:25 AM

إنتقاء رائع وذائقه مترفه

سلمتِ :81:


الساعة الآن 04:44 PM

Powered by vBulletin® Version 3.8.8
Copyright ©2000 - 2024, vBulletin Solutions, Inc.