منتديات أمل عمري - زمان التيه

في زمان التيه ماجالي على شاطيك مرسى
آآه ياعثرة مشاويري ..وياطول اغترابي

حظي العاثر فرك جفنه صباح الله ولا أمسى
لين ذوّب شمسي بحضن الشفق وأعلن غيابي

كان حلمي وصل..وآقول الهجر يقطع ويخسى
لين صرت أطمس موآطي جرّتي..وأجمع زهابي

إجرح ..وداو الجروح بضمةٍ وكفوف ملسا
وانتشلني من عذاب الروح ..ياسبّة عذابي

خذتني في شامة وجسم ورسم وعيون خرسا
لاتضيّعني وأنا مازلت في زهرة شبابي

في ثبات طويق نجد..وفي شموخ نخيل الأحسا
كنت..قبل الشوق يفضحني ويفقدني صوابي

ياحبيبي لايقسّيك الزمن مثله وتقسى
كل يوم أقول يمكنك تجي وتدق بآبي

وأرجع بخيبةأمل.. وأقرر أبعد عنك وأنسى
وآترآجع كل ماشميت عطرك في ثيآبي

محمد ال جابر