((لا تنثر الجذلة ولا تغطي الشمس))
 

لا تنثر الجذلة ولا تغطي ..... الشمس
يظلم علي الليل واقعد .......... مكاني
انت ابدوي تسري وتجلي من الدمس
وانا الحضارة هي مراتع .......... كياني
وانا لطيف ولا اعتقد بالملا ..... نمس
ولا عمري شفت النمس بين الغواني
ردت علي بهمس وطالبتها .... لمس
وقالت : اخاف اذبحك واسمع ... بياني
خلك من البدوان ومن فرة ... الجمس
تموت بلا ديات وما لك ............ عواني
ترى الحضارة زينها الخمس بالخمس
يدك بيدك بيدي وان تمشى ... عياني
راحت وخلتني وانا خاطري ....... عمس
لا والله الا راح زين ................ المعاني
اللي حمسني بالغلا يا ملا ....... حمس
ليته خلطني بقهوته ........... زعفراني
راح وتركني وحالتي كلها ...... طمس
عجزت اميز خطوتي وش ........ دهاني
واظني عقب علومها صابني ... رمس
ان مت منها صوتوا ............ وانعياني

القارظ العنزي

،

ترجع دامها بالعيون رمستك رمس
هذا دلال ام الجدايل يالشاعر الولهاني

ماني بشاعر لكن هيضتني الابيات واعتذر
عن اي كسر ولا عجز
وتظل شاعر لك حضورك من جزاله ومعنى
بيض الله وجهك

العرّاب

بل انت ابو الشعراء وعرابهم الاول ايها العراب العذب ..
شرفني واسعدني تواجدك في متصفح اخوك الصغير .

الله يعز مقدارك ويرفع قدرك
وافي طال عمرك والشرف لي الله يسعدك

تستاهل كل خير يالعراب
واللي مثلك ظاهر طيبه

انت ابدوي تسري وتجلي من الدمس
وانا الحضارة هي مراتع .......... كياني

ماتدري ان البداوه كلها الحياه
يمكن تعيش البداوه وتطيب نفسها عن الحضاره

صح الله لسانك القارظ

تقديري..!

قلادة طهر صحة انفاسك ، وجهة نظرك نحترمها مع ان البداوة أصل الحياة ولكن ليست كلها ..
دمت بود

العنزي
صح لسانك جزل ولا تأتي الا بالجزل
دام حضورك المتميز
لاهنت

تحاياي



؛

ربي يحفظك سفانة وصحة انفاسك