منتديات أمل عمري

منتديات أمل عمري (http://www.a-3amry.com/vb/index.php)
-   رشفات قواطر السحر (http://www.a-3amry.com/vb/forumdisplay.php?f=16)
-   -   من يفقد آعصابه (http://www.a-3amry.com/vb/showthread.php?t=10948)

رويم 07-11-2019 09:47 PM

من يفقد آعصابه
 
من يفقد اعصابه على ادناة ماجاه
تأكد ان نفسه حزينه كتومه

لاتسأل اللي منغبن عن نواياه
قدر ظروفه وان زعل لاتلومه

ولاتحرجه ولاتحده على اقصاه
ولاتجرحه ولاتفّرح اخصومه

واضح ولايحتاج فتره وتقراه
جالس ونظراته تقول امحرومه

قلبه جريح وخانه الوقت واعياه
بتهاجمه اجل تحمل هجومه

لاتقول وش علمه ولاتتبع اخطاه
ادخل وسط قلبه وتعرف علومه

تجيه رايق وانت تجهل خفاياه
وتشيًن اخلاقه ،،، وتنبش همومه

ياخوي من صمته تبان المعاناه
يمكن لو لحاله ،، يشقق هدومه

هذا يقضي ليلته بالمحاتاه
يوم انت مديها بسبعين نومه

اركد ترى التهميش واللامبالاه
بالشخص كنك بايعه بأي سومه

تراها مستويه معه جاه من جاه
شجاع لكن طايحاتن عزومه

هذا قبل لو تعرفه ماتعداه
من طيب راسه من جمايل سلومه

شوفه زمان المهزله وين وداه
وداه للوحده وغيبّ نجومه

اليا نطق في قلبك تقول عزاه
ماهو على بعضه ولاهو بيومه

يضحك دقيقه وان ذكر جور دنياه
يسرح مع اوجاعه برفقة حلومه

يرجع يفكر في نصيبه وبلواه
تقول طيرٍ عاد من عقب حومه

ياصاحبي لاتنشده عن سواياه
ماضي حزين وبيناتن ارسومه

ان ماقدرت بوقفتك تمسح ابكاه
طالبك طلبه لاتنبش علومه

ارفع يدينك واترك الامر لله
ابيك تدعيله بنفسن رحومه

ولاجاك ملقوفن يبحث خفاياه
اللي على العالم يسدد اسهومه

لاتضعفه دام الشجاعه بيمناه
قله يبي ربك يفرج اهمومه .
.
. .
مبارك_الحجيلان

سر الحياة 07-13-2019 07:22 PM

تجيه رايق وانت تجهل خفاياه
وتشيًن اخلاقه ،،، وتنبش همومه

صح بوح الشاعر
:81:

رويم 07-16-2019 02:56 AM

منورهه يا الغلا

سمرآء 10-29-2019 06:03 PM

سلِم القائل والناقل.. شكراً حبيبة
تقديري والودّ..

مهابه 02-20-2020 12:19 PM

ذائقه قيمه وانتقاء راقي



سلمت اكفك ادرجت للامل ابداع فاق الوصف


الساعة الآن 05:28 AM

Powered by vBulletin® Version 3.8.8
Copyright ©2000 - 2024, vBulletin Solutions, Inc.