منتديات أمل عمري - لاتخبــــي

لاتخبــــي غـــلاي إن كنت تغلينـــي
.............................. منك حبس المشــــاعر ظلم يالغالي

كلما شـــفت عينــــك يانظـــر عيني
............................. قلـــت ياذا العـــذاب اللـــي تهيّــالي
...
شـــفت فيها شــقاي وجددت فيني
............................. حيرتــي والســـؤال اللي على بالي

لامتــى وانــت تبعـــدني وتدنينـــي
............................ ليه اشــــوفك بعيــــد وزولك قبــالي

لامتــى الحـــاجز اللي بينــك وبيني
............................ كلمـــا مــر يـوم يزيـــد في العـــالي

شـايف الشـــوق في عينك يناديني
............................. كل نظـــره تقــول إن الســـعد فالي

وانت دونــك جـــدار الصمت حاديني
.............................. صمتــك اللي سبب همي وغربالي

كـــم تمنيـــت يــوم إنـك تلاقينــــي
.............................. تشــتكي لي وتسألني عن احوالي

إنتظـــرتك تطيـع الشـــوق وتجينـي
.............................. إنتظــــرت إنتظــــرت أيـــام وليــالي

عمــري اللي تعدى واجمل سنيني
.............................. فـــات والعـــالم الله ويش يبقــــالي

خايــف إنك تجــي في يــوم ناصيني
............................. ماتجــد شــي مني يرســـم ظلالي

لاإنمحــت من على الدنيــا عناويني
.............................. ولابقـــالي مـع الحيـيـــن منــــزالي

وقتــها غصــب من دنيــاك تلغينـــي
.............................. تحذف إســـمي وتحذف رقم جوالي

كان قصـــدك بعد ماامـــوت تبكينـي
............................... ليش تنثـر دموعك في الخلا الخالي

دمعــةٍ في غيـــابي ماتواســــيني
............................... ولاتبــدل هــذاك المــــر بالحــــالي

لو تخلــي بيــوت الشـــعر ترثينــي
................................ لين تصنــع من الأشـــعار تمثـــالي

ماســكبت السـعاده في شراييني
................................. ولاانت واصل لروحي والجسد بالي

طيع شــــوري وحــط يديـك بيديني
............................... ليش تاقف لحــــــالك وآقف لحــالي

دام يمــديك يالغــــالي ويمــــديني
................................ حطـــم الحاجــــز اللي حطم آمالي