موعد رحلتك
 

حان موعد رحلتك ومودّعك يرقب رجوعك
أنت وآلم للسفر وأنا على الضيق (ا) متولّم

عن تناهيد الفراق احزم على قلبك ظلوعك
لايبين الحزن في عينك.. ووجهك لايظلّم

في لساني " رح" فمان الله من شي يلوعك
وفي فوادي "لاتخليني" من الضيقة مبلّم

ماهدا روعي لو إني قلت ميدك هد روعك
والله إني ضايق ومكسور خاطر ومتألّم

والفراق المر لاهو طوعي ولاهوب طوعك
سطوته سطوة شجيع وضربته ضربة معلّم

تدري إني بفقدك وأضمى على شوفك وأجوعك
وإن تغافلني نعاس أبقى بطاريك آتحلّم

يامعلّق قلبي اللي ذاب في كمك ونوعك
بين تلويحك وداع..ومدة كفوفك مسلّم

لاتمرجحني ظروفك من سبوعك لَ سبوعك
نظرة المشتاق فضاحة لو إنه ماتكلّم

والله الله لاتغير حزة الفرقا طبوعك
سرّنا مابيننا لين افتراق الشمل ينلّم

ماني معلم بكسرة قلبك وطيحة دموعك
وأنت عن طيحة دموعي وإنكساري لاتعلّم

.

.

راقت لـ ي
محمد آل جابر

ماني معلم بكسرة قلبك وطيحة دموعك
وأنت عن طيحة دموعي وإنكساري لاتعلّم




الله الله


كذا النقل ولا بلاش
قصيدة من اجمل ماقراءته
سلمت اذائقة وصاحبها


وصح لسان الشاعر مليون ولايكفون


لك جل تقديري

ياسلام
على الذوق الرائع
لاهنتِ
صفو المودة

اختيار ذوق
دام الوهج

راقتني تسلمين

وردة للأختيار
الأنيق

ذوق شعري جميل

ذائقة جميلة
ممنونك عبدالعزيز

يسلم شعورك
العذب ولاهنتِ

روعة سلمتي