منتديات أمل عمري

سرى بي الشوق لحدود الممات الوشيك
اللي غياهبه توصلني لحد الخطر

وأعلنت ياطفلة الروح الهرب منك..إليك
وآمنت بإنك ملاذ لقلبي اللي نطر

مابيني وبيني أشوفك وعد وأحتريك
من دمعي المنحدر.. لَ قلبي المنفطر

البعد تأثيره الفعلي علي وعليك
أكثر من اللي على بالي وبالك خطر

تحيين فيني وأنا من صغري أموت فيك
يانعمةٍ عاشقك عن شكرها مابطر

من جسمك لرسمك لجيدك لغمازتيك
لحجاجك اللي تقول هلال عيد الفطر

أتوه بك في متاهات الهوى وأهتديك
يامبتدا كل سطر ليا أنتهابك سطر

والكحل في محجرك والورد في وجنتيك
أكتب لهذي شطر..وأكتب لهذي شطر

لو ننتظر حظنا ونقول ماذا لديك؟؟
عشنا ومتنا وحنا ماقضينا وطر

والقرب ماهوب في يديني ولافي يديك
كنا بن الذيب..والواقع حكومة قطر

يكفي..لاهبتّ جنوبية على مهتويك
وأحيت بنسماتها ذكرى ..وذكْرٍ عَطِر

يقول يا أجمل نساء الأرض كلي يبيك
خصوصا ليا أستفز الشوق رشة عطر

وأنت تقولين له كل شي يسأل عليك
أنا..وذكراك..وأبها..والهوى..و المطر

محمد آل جابر