منتديات أمل عمري - عرض مشاركة واحدة

11-21-2017, 08:39 PM

اقتباس:
المشاركة الأصلية كتبت بواسطة فهد بن محمد

اجاوب يا وهج لو السؤال يذوب القرطاس
وسؤالك للزمن ما نيب مقصوده وراعيّه

انا ربيت لي طير ٍ وتوّه بالشعر قرناس
تشجع للفضاء وانا احثه للشجاعيه

يقولون العرب ماشي يدوم الا قوي الساس
ولا تبقى ابد كل البنايات الفقاعية

بنيناها على ماقال عباسك على دباس
مصادرنا الوحيده كلها نشرة اذاعية

تركنا الداب يتسلل وعرقه بيننا دساس
ولا يسلم مربي للافاعي من افاعيه

اخذناها مظاهر وابدعوا فالمظهر الأنجاس
وسطا ما بيننا معنى شطاره وانتفاعية

متى ماغيّب المبدا تحوس اللي ولا يحتاس
وتدخل ما تريده من أمور ٍ ابتداعيه

واذا الشهره لبوجركل وابو سن ولبو ملاس
فلا نستغرب ان غابت مصابيح شعاعيه

ايلا منك رفعت الصوت قالوا شاعر وهوجاس
من انت اللي تكلم في شؤون ٍ اجتماعيه

هنا بعض الافاده واختفى شي بها حساس
بعضها صعب لا يكتب ولا حتى سماعيه

صح لسانك شاعرنا ،مشاركة مميزة وجميلة
إجابات أردت لها أن تلامس صدى السؤال
وهناك لا زال الكثير من الأجوبة العالقة
في الأذهان ،فلكل سؤال إجابة
والإجابة ابنة السؤال
تقديري لسموك ولحرفك المتقن