اغليك لكن كيف اقابل معاليك..
بيني وبينك حاجز الخوف مرصوف
اكيد ما تدري وانا دوم اناديك..
يرجع صدى صوتي مع الهم معزوف
قلبي وصبيته غلا بين اياديك..
اشرب فناجيل المحبه وبتشوف
تعال جدد ذكرياتي وابا اهديك..
حب رسمته بين الاضلاع معروف
تعال شاركني ترى القلب يدعيك.
. قبل تجي ساعه وتلقاه مخطوف
ابيك ابي قربك ولمسة اياديك..
ابيك ابي طيبك ولا فيه مكلوف
ابيك ابي عطرك وابي كل مافيك..
انا بحبك صرت ياهوه ملهوف
خل التغلي ما يفيدك تغليك..
. لا غبت عنك وحال من دوني الشوف
حصري ١٤٤٠/١/٢٢هـ
بقلم ساره