11-20-2018, 09:08 PM
|
|
|
يطلبني المحتاج
.
.
يطلبني المحتاج من شان حاجه
مايدري اني اكثر الوقت محتاج
افزع وانا راجي من الله فراجه
اللي خلقنا نمشي الطيب منهاج
آقف معه حتى يبين إنبلاجه
لو الفقر سبب على وجهي إحراج
وش الخوي إن ما وقف بالمواجه
شخصن يغثك بالمهايط و الإزعاج
اما رفيق ٍ خوتك دوم تاجه
والا تماكن وإبحث اليوم مخراج
كب الخوي لا بان فيه انعواجه
و تلقى بداله يشبه البير هداج
إن جيتله مطلق عشانك حجاجه
وان رحت عنّه ما قبل فيك هراج
وان قفلت كل السبل فيك ناجه
والله يكتبلك عقب ضيقك افراج
كم واحد ٍ جاب القلق و اللجاجه
وكم واحد ٍ صوته على سمعك إعلاج
إصبر و صبر الناس فيه ابتهاجه
و باب ٍ يغث الراس صكه بمزلاج
الشاعر / أحمد الأسلمي
.
.
سأظل أحمل في مستطيل حديثي
شيء من النور البسيط
قد يكون للبعض ما بين مُر و عذب
ولكن يبقى "قانوني مبدأ"
علاقتي بهم مابين تخطي و مسح ..’
|