حيا الله أختنا النقاء
ذكرتيني بقصة قديمه ... يوم كانت القبايل تغزي بعضها
وتزوج شيخ قبيله بنت قرم من القروم يضرب به المثل في الشجاعه هو وعياله
وجاب منها ولد وأخذها لأهلها تجلس عندهم الاربعين كعادة الناس في ذلك الوقت
وهو راجع شافوه طرّادة من القبيله اللي بينهم حرب معها
وحاوطوه لين رضخ لهم إما القتل والا سلم نفسك
يوم ربطوه جاء لشيخهم وقال لك مية ناقه وفكني قال لا
ودارت سنه قال لك تسعين ناقه وفكني ورفض وبعد سنوات
قال له شيخ القبيله وش فيك كل سنه تنقص العدد
قال : أن طلع ولدي على خواله ان يفكني لحاله وانتم تشوفون
قصه طويله لكن تم له هالشي وطلع الولد على خواله وفك ابوه
وهذا سبب أن القصه بدون جزء ثاني
ان شاء الله انك فهمتي القصد