الله يجعل اوقاتكم سعاده وشوق لمن له في الحشا شوق..
.
.
.
تقول لي: بآ طري الفرقا .. ولا تطري!!
وش لي..!!
ووش لك..!!
على الفرقا وطاريها
.
.
يازين ..لا تنتقد عذري.. انا عذري!!
بيوت حبٍ .. تغازل روح راعيها
.
.
السالفه .. نفس حبك..!! حبي العذري
ماهوب يحتاج أنا أشرح لك تداعيها
.
.
آقول لك : ضمُني .. وتقول لي مادري
آخاف آضمك..!!
ولا أدري ويش تاليها
.
.
ياسيد الغيد حبك في دمي يسري
ومن الغلا يروي عروقي ويسقيها
.
.
يوله عليك الحشا .. ويتوق لك شعري
ومالي بغيرك يزين لي قوافيها
.
.
تضيق منُي وانا ما ضاق بك صدري
بالشوق غيرك ضلوعي من يحاكيها
.
.
أي والله آغليك .. وغير رضاك ما يبري
الضيقه اللي من البارح أباريها
.
.
آبيع غيرك ولا فكرت كيف اشري
ماهمني الناس قاصيها ودانيها
.
.
ولا أنت غالي .. وربي عالم ويدري
مارخصك لو ترخص العجمان واديها
.
.
محمد العجمي