**
الهاجس اللي لفى أطناب غالين
حيّ الهجوس وحيّ منهو لفابه

غالي وترخص له بلاد وعنوانين
ينزل بروض(ن)زي برق وسحابه

يفرح له الخافق وتطرب به العين
تنبت بساتين الفـرح في ركابــه

الله خلقنا بأختلاف المــوازين
أصابعك بالكف صعب اتشابه

ناس بفعل الطيب تاخذ براهين
وناس على الزلات مفتوح بابه

وانا عشيري خوته ما بها شين
سمـح المـحيا يتسـم بالذرابـه

اذا حكي ضاعت علوم المعادين
اقول يا لبييييييه ملـح ومهابــه

الشوق متعبنا سكن بين ضلعين
الشوق يفضح صاحبه لا سطابه

ان غاب روحي كنها بين نارين
حبه محاصرني سوات الذيابه

صافي ويــرقى بسلوم المحبين
بالعهــد وافي ما يميـل ركابـه

باله مقفي عن جميع المزايين
يقول هي عمري و مرتع شبابه

تفداه روح يسكنـه والشرايين
يكفيه بين الناس فعلٍ مشى به

يا الله عسى دربه ورود ورياحين
ويالله برزق(ن) ياصله عند بابه

يأهل الوفاء جبت انا العيد عيدين
عـذري عشيري يستحق الكتابه

وختامها صلوا على ناشر الدين
نبينا المختار وأهــل الصحابه


بقلمي