ماتخافي الله..من مـا خـاف ربّه..
في غيابك ماقـعـد للحب نايب
لاذكرتك كن في صدري منبّه
يوقدالآهآت في صدري شبايب
في بحرحبك صحيت بوسط غبّه
موجها تلعب به ارياح الهبايب
ماخطر في بـالـي لغيـرك محبّه
غير حبك يابـعـد كـل الحبايب
عن عيوني ليـه تبـعد دون سبّه
السنه يومك..اعيشه وانت غايب
هل كذا يعقل تعذّب من تحبّه!!
دام من يغليك ماهو منك تايب
الجـمـر رمّـد بـنـارة مـن يشبّه
ياريـاح الشـوق يـابـرد الّلهايب
خلي اوضاعي بقربك مستتبّه
ياضياء قلبي يابـرقـه والسحايب
منتظر

الموضوع الأصلي: ماخطر في بـالـي لغيـرك محبّه || الكاتب: عازف قلم || المصدر: منتديات أمل عمري