للمرجلة ماعندنا غير قدام
ولغير بني امجادنا ماتعبنا
ناس تمد الطيب من طيب الأيام
وحنا قبل لاتطيب الايام طبنا
وقفاتنا من شوف تحطيم الأرقام
جبنا عليها أطيب رقم وانسحبنا
اللي من صدوف المقادير منضام
يقلط على اطرف واحدن من عربنا
نقلب مرابع ذودنا ساحة اعدام
اكبر مجازر فالحلال ارتكبنا
يلقى بنا المحتاج جمعية ايتام
ومجالسن للطيب معنى ومبنى
منها تعاملنا مع رجال حشام
ومنها على بعض المعارف شطبنا
ماالله بحادينا نتواضع للاقزام
اللي تناوش عرضنا كان غبنا
طاري عربنا يعتبر مصدر الهام
وادنى سنافي يعتبر من عربنا
وللمرجلة ماعندنا غير قدام
ياللي تعرفون اسمنا وش لقبنا
.
.
.
.
.
.
.
مالله بحادينا نتواضع للأقزام :97:
|