زمان الأمس وشهو الأمس دامه يشبه اللي جاي
وانا هـــــــــذا انا جرحي ورى والموت قدامــــي


زماني ليل مظلم والرياح اشبه بصوت الناي
وانا امشي على درب الغياب وتعبت اقدامي



صباحي دمع والليل الطويل اصبح رفيق غناي
اخـــــــــــــاوي وحشته وآقول هذي قسمةأيامي


وربك من تفارقنا وانا احس الجروح اعداي
تجي وتروح في قلب الحنين وتنثر الآمي


تجاهلت البشر واطلقت لحدود الفضا رجواي
وتمنيتك معي في واقعي والا مع أحلامــــــــــــي



تمنيتك تكون بعالمي لآخر مدى وياي
من اول يوم في دنيا المحبه لآخر أعوامي



فمان الله روح وخذ معك حزني وكل بكاي
وخل ايامنا تبقى قصيده حبرها دامــــــــــي

الموضوع الأصلي: زمان الأمس وشهو الأمس دامه يشبه اللي جاي || الكاتب: الولهان عبدالله || المصدر: منتديات أمل عمري