الزمان يدور والوقت يطحنا رحاه
كل يوم يموت رجال ونصلي عليه
كم رفيقن ودنابه على قيد الحياة
وكم رديٍ يبطي الموت عيا لايجيه
مايدل الدرب مالا تمسك بالوصاة
ومايقدر نعمة العقل غيرك يالنبيه
والردي لو يستره ثوب وش يستر رداه
دام مايحشم قرابه ولايحشم وجيه
انصحوه يبيع ثوبه ويشري له عباه
طاح من عين المراجل ولاعادت تبيه
والسفيه ان ماتبلاك ماتسلم غثاه
حاول انك ماتجي درب يسلكه السفيه
صافح كفوف الزمن وابتسم لأجل الحياة
واعلم ان الله اذا حب عبده يبتليه
|