06-24-2020, 05:33 PM
|
|
|
|
|
|
لوني المفضل
ÝÇÑÛ
|
|
رقم العضوية : 1010 |
|
تاريخ التسجيل : Jun 2019 |
|
فترة الأقامة : 1766 يوم |
|
أخر زيارة : يوم أمس (09:59 PM) |
|
المشاركات :
12,302 [
+
]
|
|
التقييم :
57656 |
معدل التقييم :
  |
|
بيانات اضافيه [
+
] |
|
|
|
أبو لهب باع الحطب..برّاق والفوزان ..حصري
حصرية ... وطازجه ..بيننا
عبر الجوال .. حفظ الله محمد والجميع من كل مكروه
أسعد الله أوقاتكم .. محمد( برّاق ) وأنا من زمان ماتنادمنا شعريا / جرّنا الحنين
نكتب هذه المساجلة وحبينا نجرب ونتعلم إسلوب الترميز أو الرمزية
في الشعر الذي نكتبه
البداية / بلا مقدمات عند برّاق
صباحنا حطت يدك شريت من حلقي سؤال
يبيع كل الأجوبه تحت الثلاث الفانيه
عندك عذر يملأ البطن تعال قرب لي تعال
شفت الرصيف المنكسر وراه تسكن غانيه ....( برّاق )
طفشت ماودك نسولف شوى ..أبسألك عبدالعزيز
عمرك سمعت بالعذر الملوّن ( برّاق )
ههه كم لون .. تسمح لي أقول ( عبدالعزيز )
أسمح ترّنم ... ( برّاق )
مساءنا .. حطت يدك ياآآآه من كثر الجدال
أبو لهب باع الحطب ....حمالته زبانيه
تدري أنا لجاء الصبح أفك بابين إحتمال
يامبعده ..يامبعده ..يادانيه ..يادانيه
محمد وش رأيك بفنجال ظلماوي يقنّد راسك ويخليك
تسبح بالخيال الشعري ...(عبدالعزيز )
صب لاعدمتك ( برّاق )
أمس العصر رحت أغتبق يم المخيّم والحلال
صادمت فكره تركنك ساعات وسـط الثانيه
وصادفت واحد منتهي مجنون وجنونه خيال
قال الهواجس لاعصــت ترجم بتهمة زانيه ... ( برّاق )
المجنون المنتهى وش قصده ( برّاق )
والله مـ أدري ليش مـ سألته ..ماودك أهيجن بصوتي الحلو ههه .. ( عبدالعزيز )
إلا سمعّني لاعدمتك / .. (برّاق )
ياسبحتي طال العدد ودي نريّح بالظلال
لا الوقت وقتي ياخوي ولا الزمن زمانيه
قبل شهر نايم ظهر مرهق ولي أربع ليال
الثامنة ..لمحة بصر صارت كذا..ثمانيه ..( عبدالعزيز )
النديم الآن شطر منك وشطر مني ( عبدالعزيز )
أبشر تـــم ...برّاق
تذكر صباح مرّنا وجهه تراتيل وجمال ..(برّاق)
تذكر مساء مرّنا ..وجهه قطوف دانيه ... ( عبدالعزيز )
عبدالعزيز صديقي من رابع إبتدائي ..(برّاق)
محمد أخ لم تلده أمي ... ( عبدالعزيز )
ماسبق خيال في خيال وتجربة للشعر والرمزيه
طرق نستخدمه ..لأول مــره ... نتمنى له القبول
إغتبق الغبوق شرب حليب الماشيه وقت العشي
فنجال ظلماوي / نسبه إلي الشيخ دغيّم الظلماوى
أفضل من يجهز فنجال الرجال على الأطلاق
مودتي / ممنونكم
آخر تعديل عبدالعزيز الفوزان يوم
06-24-2020 في 05:38 PM.
|