يسعد اوقاتكم بكل خير .. وكل عام وانتو طيبين ومن العايدين بعد الزحمه
.
.
من دمعة المحجر.. ومن ذكرى الوداع
سمعي يخاف!!... ويرتبك فيني الحنين
.
.
صحيح (آنا).. ماني على الدمعه شجاع
لكن بعض الاحيآآآن .. يآخذني الأنين
.
.
حبيبتي.. (آنا) .. (وذاتي) .. في صراع
آجي أنا.. وان رحت قال الهم.. وين؟؟
.
.
شي يذاع .. وشي لا يمكن يذاع
بس الغلا .. لا انقال لازم .. تسمعين
.
.
ان غاب بين الناس حب الاستماع
ماهو يغيب الود بين العاشقين
.
.
وقتي غدى دونك ضياع في ضياع
وان زان دونك قلت: جعله ما يزين..!!
.
.
ماهو يسلي .. عنُك وقت الالتياع
الا .. بياض الما .. وريح الياسمين
.
.
علمتني .. بين الوصل و الانقطاع
كيف القلوب يهزها الشوق الدفين
.
.
أبغا أقتنع .. لكن صعب الاقتناع
كيف اقتنع والقلب في حبك رهين
.
.
ياكم لبس وجهي من الفرحه.. قناع
ولا أختفت .. ملامح الوجه الحزين
.
.
ما أبغا السنين.. تضيق عقب الاتساع
وما ابغى الصدور تضيق من ضيق السنين
.
.
أبغاك .. لا من سرت.. ياحبر اليراع
تنقل احاسيس الوفا .. في كلمتين
.
.
(دايم أرددها) .. على درب الوداع!!
(الله لا يجمع .. خطاوي العابرين)
.
.
الله لا يجمع .. خطاويالعابرين
.
.
محمدالعجمي