مقــهى البـوح الشـعري ..،، تفضل أرتشف قهوتك

قيل في دروب الحياه ؛
" عندما تقرر ان تبدأ. الرحلة .. سيظهر الطريق "
جلال الدين الرومي .

كل دربٍ تحسب ان مافيه غيره ؟ فيه غيره
لا تعلّقها على شورٍ عطاك الله … بداله
ناصر مناحي ..

يقول محمد بن عفيفه /

اما عن الاماني :
تمنيت شي وقدر الله شي وصار
ولا لي سوى وجه الرضى لو تصنعته

واما عن الخيره :
انا هقيت ان راحة العبد فيما اختار
واثر خيرة المولى لعبده مسنعته .

ان وقفتي كل الاغصان مالت عود عود
وان مشيتي كل شبر من القاع انتبه

وان رضيتي يقطع السيل مع لبّة نفود
وان زعلتي يزحف الكون لك على ركبه


أمــي

ياجعلني ماخلا من خوة الطيب
الصاحب اللي يغار الطيب من طيبه

لو هو بعيد وسألته قال « أنا قريب »
يعجبك دايم بوقفاته وترحيبه

لو اقدر اسرق نعمة النسيان من ذهن البليد
ماصرت في وجه الظروف القاسية طلاّب ثارً .

أكثر الطرق مشقة هي التي يقطعها المرء عائداً لإيجاد نفسه

جسدها الشاعر عويد النجود يقول /
رجعت مْن الغياب المر لكن ما رجعت أيّاي
يا ليت اللي يرد ( الغايبين ) … يردني يمي .

مثل ما تعافى من هتين السحاب يبّاس
تعافى على وصلك عضوٍ في طرف صدري .

تسند بي أنا أصدق من ظنون الخايف الهاقي
و تعال . . و موطنك صدري اذا حسيت بالغربة

؛

للأمانه
مابقى شي بمكانه
كل حاجه في غيابك
تتبعك

ممكن أسأل:
بس من باب الميانه
ليش تاخذ
أجمل أشيائي معك .؟!!

أنا لا نفسي عصيّه و لا قلبي قطوع
أجفي الدنيا و أعوّد و أصير صحيبها

عن مشددة اللواحظ و مرخية السموع
قافلٍ بيبان ودّ . . العلوم و جيبـها

ما درى باللي تكنّ الضلوع إلا الضلوع
وش تبي تنفعني الناس لو تدري بها ..