مقــهى البـوح الشـعري ..،، تفضل أرتشف قهوتك

؛

فيني شعورٍ بالحشا بس يغليك
يهمس يقول إنك هواي ومناتي

لو غبت عني، ما تغيّب لياليك ..
تسكن تفاصيل الزمن في حياتي

وإن غاب صوتك كل نبضٍ يناديك
تبقى معي في صرختي في سكاتي

إنت الربيع وكل غصنٍ يزهّيك
تزهر على قبري وتلبس صفاتي

وأدعي ليا طيفك على القلب يطريك
طيفي معك دايم، ولو في مماتي

أطياف معجب بهذا

اسج رجلي عند تلعات الرقاب
واخاوي اللي عن عيوبي ما هرج

ابقى معه مثل الدعاء المستجاب
ويبقى معي في ضيقتي مثل الفرج

نعذر بعضنا كان غبت وكان غاب !
لا ينحرج مني .. ولا منه انحرج

على القدا يعدي مثل عدي الذياب
وعلى الخطا يمشى مثل مشي العرج

ان صرت له عن لاهب الكنه حجاب
يصير لي في مطلع ، القمّة درج



أنشهد جعل من جابه الجنه

لا تشتكي للعرب وتقول ماني حظيظ
اقنع لو الثوب عاري والقدم حـافيه

كم واحد يخدمه حظه.. لكنه مريض
وده يبيع الحظوظ و يشتري العافيه

أجمل عطايا الوقت إنسان وافي
وأجمل عطايا العمر إنسان يغليك

يا مال جنات النعيم المستديم
يا وجهٍ اشتقت لـ حلو ملامحه

من يوم عني غاب والله العظيم
ما عاد نفسي لـ اي حاجه طامحه

لو الزمن في شوفته يصبح كريم
ساعه.. على شح السنين مسامحه



يامال الجنه الباره يابوي

إليا حضر يغني عن الكل وينوب
وإن غاب ما كلٍ يسد بـ محلّه

يارب كان الارض مدت وألقت
وردت حقوق عبادك المسروقه
.
وانعرضت اعمال القلوب وسلقت
إغسل سريرة عبدك المحروقه
.
نتعب على الراحه وهي ما خلقت
ونهمّل الطاعه وهي مخلوقه .



آاااميييين

استغفر الله العظيم امن الخطايـا والـذنــوب
استغفرالله كل ما اركع في رحاب الله واتــوب
استغفر الله كل ما البس من ثياب الذنب ثوب
استغفر الله العظيــم ، استغفــر الله العظيــم

استغفر الله العظيــم اللٰـي عليـــــــه المُعتمـــد
استغفر اللـــي لا إلـه إلا هو الفـــرد الصمــــد
استغفر اللي منشي السبع الشداد ابلا عمـد
استغفر الحي الذي يحيي العظام وهي رميم



ياارب أغفر لنا