مقتطفات لـ شعراء وكتّاب أمل عمري

لشاعر المبدع متزخرف



أهدتني الصدفه دروب وسيّدة نفس الدروب
مانلتقي لو ما الخُطا كانت غصب متخالفه

صارت بوجهي وقلت : حيّا الله وجودك والهبوب
قالت : وحيد ؟ وقلت : والله مثل ماانتي شايفه

قبل التقي بك طارت النسمه* من اعشاش الطيوب
جابتني أنفاسي لجوك والمحبه وارفه

قالت : أجل شاعر وقلت : الشعر مني مايتوب
واليوم أحب أوالفك مثل مااحب أوالفه

في مدرسة شعر ( البدر ) صارت أحاسيسي تجوب
قالت : ترى أبيات البدر فيها المعاني نازفه

قلت : إبشري مادام ذوقي صار في ذوقك يذوب
لا أخلي الأشعار في وصفك من أول سالفه

قالت : يكفي لا تعجل في هوى الريم اللعوب
أنا ترى ياكثر صدماتي بليل العاطفه

يمكن تحس اني شروق وما تلاقي الا الغروب
أحيان يظهر لك نشازي قبل مااظهر عازفه

بنت مزاجيه تجي بين النضاره والشحوب
ماكل مرة ( دلتي ) فيها القهوة الكايفه

بدرالهيضل ,*قلادة طهر..! ,متزخرف و 1 آخرون معجبون بهذا

برّاق