صمتي عالم لأيفهمه الا من تعمق به !!!

جتـنـي تعـاتـب والعـتـب تستـزيـده
يـا زينهـا ويـا زيــن حـتـى عتبـهـا

قالت تجيد الشعر ؟ قلت إيه أجيـده
( هي جـت كـذا ) لازم أنفـذ طلبهـا

قالـت أبـيـك تـقـول فيـنـي قصـيـدة
أبي الجموع تصيـح منهـو كتبهـا ؟

ابــي القـوافـي والمشـاعـر فـريــدة
أبـيــك تتعـبـنـي وأحـــس بتعـبـهـا

أبـيـك تلـعـب فــي بـحـورٍ جـديــده
أنـت الوحيـد اليـا لعبـهـا .. لعبـهـا

تكفـى طلبـتـك يــا جـنـاب الولـيـدة
جبها على الطاروق يـا شيـخ جبهـا

المشكـلـة طـفـلـة وطـفـلـة عـنـيـدة
قـبـل سـنـة قـطــت بـقـايـا لعـبـهـا

واليـوم سيـد النـاس تصـيـر سـيـده
كـم سيـد قــوم جــا لبـوهـا خطبـهـا

يلـعـن ابــو جــد الشـعـور وكـديـده
إن كــان مــا ولّــد قصـيـد بسببـهـا

الزيـن مـن ربــي ويعـطـي عبـيـده
مهـي مـن اللـي زينهـا فــي ذهبـهـا

وإذا نــوت حــي تكـيـده ... تكـيـده
يـا قبـلـة الله يــوم تـرخـي هدبـهـا

ويـا شعرهـا لامـن عصـاهـا تعـيـده
للخـلـف ويغـطـي مـثـانـي ركـبـهـا

والطول يا أهل الطول عنق الفريده
طـولـي إذا قـطـت صغـيّـر كعـبـهـا

وشلون أعدد مـن صفـات عديـده ؟
يكـفـي تــأدب جيلـهـا مـــن أدبـهــا

عـنـدي قريـبـة بــس عـنـي بعـيـده
وهي مسألة صعبة على من حسبهـا

يـا الله عسانـي قلـت فيهـا قصـيـدة
وعسى قصيـدي يـا جماعـة عجبهـا