... ابي حنانك ...

ابيك تعطيني . غلا ضعف ما اعطيك
ابي .. حنانك .. قسوتي .. يحتويها

وابيك . . ترسمني طفل بين اياديك
يسخر من ايامه .. ويضحك .. عليها

وإن زادت همومه جرى يحتمي فيك
باحضان عطفك . . يحتمي من يديها

من وين تمشي .. قام يتبع خطاويك
وإن غبت عن عينه خبى الشوق فيها

يا روح روحي . . ارفق بروح مغليك
من .. غير حبك . . دنيته . . ما يبيها

يا زين . . ليه غيرت . . عنا مساعيك
كل يوم شوفتك .. يا غلاي احتريها

مثل الثريا فوق .. ماقدر . . ادانيك
روفي بروحي .. يا المنى وارحميها

يا فارقه بالرين . . عن ذي وعن ذيك
فيك الوصوف .. احترت كيف ابتديها

خليها . . لاجل العين .. أخاف ترميك
وتروح . عني الروح . من قبل اجيها

تعالي واسقيني . من الشهد صافيك
يامبدعه .. روحي . معاك .. واحفظيها

تعبت . . وأنا . . كل . . ليله . . اناديك
الروح ضاقت .. وانا .. بصبري اهديها

اطلب حياتي .. يامنى الروح . واعطيك
ويش هي حياتي . . دامتك منت فيها


بقلمي اخوكم .. نجم ضاوي ..

الموضوع الأصلي: ... ابي حنانك ... || الكاتب: نجم ضاوي || المصدر: منتديات أمل عمري

www.a-3amry.com

أمل عمري

منارة الناسك , نبض الطاولة , نبض الطاولة , نبض الطاولة , فعاليات , فعاليات , حصريات , إيقاع الشعر والنثر , شرفة الذائقة , أسراب الهذيان , مدونات , حكواتي , هودج الأنثى , الرياضه , عيادة الأمل , ومضات الألبوم , همسة العدسة , دروب اليوتيوب , دروب اليوتيوب , دروب اليوتيوب ,