لديـك رسـآله شعريـه , آضغط هنآ لقرأتهــآ ..!~

وكم كان رشدي على غيّي يودّيني
يوهمني إن الكثر من العطا / سامي



وكم قلت بكره تهون وهانت بعيني
أيّام عمري / إذا هي فعلاً أيامي



مرات أحسّ إنّي أكره كل ما فيني
لا شفت ما حولي إلا / باقي حطامي



مدري من اللي بـ صدري كان يرميني
بس الأكيد إنها تحديداً / اسهامي



كم شلت في خاطري جرحٍ يسلّيني
كم طاح من عيني / أصدق دمع واعوامي



أفنيتني ما دريت إنّي بــ اغنّيني
لـ الضيقه اللي تقول لـ فرحتي / نامي



أحاول أكتب جروحي قبل تمحيني
والحبر دمّي بعد ما / جفّت أقلامي



أفكّر إنّي أسافر بي واخلّيني
أبعد عن الناس / واتوحّد مع آلامي



يا / م اكذب الناس يا / م أصدق عناويني
طعناتهم تنقلب ضحكات قدامي

الحوت معجب بهذا