مقــهى البـوح الشـعري ..،، تفضل أرتشف قهوتك

خلك عزيز النفس والعز مرقاك
‏وكلن عطه تفصيل ثوبه وقده...

الذكريات بكل الأحوال تشقيك
مافيه روح من الحنين استراحت

تحزن على ذكرى حزينه تبكيك
وتضيق من ذكرى جميلة وراحت

السهر صحبه قديمه والأرق شي ٍ اساسي
والقصايد كان ما زادت مواجعنا .. خساره



اشهد ان الليل لا يرحم ولا يعرف يواسي
ضيقة الظلما خطاه ونسمة البرد اعتذاره

ياليتني في بعض الاشياء مخير
واضحي البعض الاوادم بدمي

في رحلة الايام كلش تغير
الا السماء والارض والشمس وامي

لبى تجاعيد وجهك داخل الصورة
وجدي على حبّة الصورة وراعيها

ياجعل قبرك يشع من الرضى نوره
فرقاك ..هي والله الفرقا وطاريها .

أن لفيتو حول قبره يا زوار القبور
علموه ان عاد ضوه تفوح دلالها

وعلموه ان عاد بيته على العز معمور
والشكاله في عياله يسرك حالها .

جعل ذنبه عند من يعلم الغيب مغفور
وجنة الفردوس لا تحرمه منزالهااا .

كانت تجاعيد الزمن في كفوفه
وأقفى شبابه وأغلب الحيل قفّى
:
وكان على ضعفه وكبره تشوفه
قبل الأذآن بأول الصف صفّى …



جعله جنات النعيم ..

بيض الله وجه شخص لا شاف ولا سمع
لو تشب الناس من بين ضلعانه كتوم .