بدريآت البــدر \ مهندس الكلمة

.




.


\


في ليله كنها الليله عرفتك بسمتي و فجري
و ليله زي ذي الليله و هبتك في الأمل عمري
و يا ليت البسمه ما كانت ولا الاحساس
وياليت الدنيا خانتني و كل الناس
و لا خنتي هواي انتي
و لا قلتي .. فـ أمـان الله

.



.

\



انتظرتك .. عمري كله .. وانتي حلم
ومرت الايام والله .. وانتي حلم..
ليه تأخرتي علي ..
توهي مره واسالي ..
كوني في غير الزمان .. والا في غير المكان
كوني عمري .. عمري كله..
اللي باقي .. واللي كان..
انتظرتك عمري كله .. وانتي حلم ..

.



.


\



لسا صوتك أسمعه .. آخر أيام الربيع
ويالمنادي في الطريق .. وش تبيع
بأشتري عمري العتيق .. لو تبيع
ولسا كيلو اربعه له مكانٍ في النفوس ..
وتبقى أيام الرطوبه والطفوله .. والجري تحت الشموس
أجمل أيام فـ حياتي ..

ما عاد فرحني غزل ..
ما عاد عذبني امل ..
يا حب ناداك الرحيل ..
رد الندا .

.
.
\

المحبة أرض والفرقا أراضي

.
.
\


واحيان ما املك العواصف ، ولا الزلزال
ولا حتى ،في الهجير ، ظلال
لكن استبد ، استبد باللي عندي
اضرب بيدي في الهوى ، بجبيني في الصخر
لين اتعب ، اتعب ، وانهمد
مثل طفل اضناه البكا ، والسهر
وانتي اخر ما أعد في عمري
واجمل ما أعد

ورني وشلون حبك بإهتمامك
وأفتح ايدينك غرام وضفني
لاتقول البرد لايدخل عظامك
كان فيك الخير قوم ودفني

.
.
/

اسقني لو ما ارتويت وداوني لو ما شكيت
ماهقيت اني اعطش في حياتي لغيرك انت
ومادريت ان مابه أغلى منك الا انت
ياظماي ياظماي انت
ما تخيل ان عيني مره تغفى وما تشوفك
وما اتخيل لو يطول الصمت ما اسمع حروفك
تدري احساسي بخوفك هو اماني
لما تسأل عني ليله عن مكاني
ما تخيل كيف تحرقني الثواني
شمعه في ليل انتظارك ..!