والله ي سيمآ وهالحرف مخذول !

اسعد الله قلوبكم بكل خير

أعتذار كبير عن قلة الحضور / وحصريه علها تشفع ..

كان رد سيمآ على قصيدتي السابقة

«إلا بيدكَ تقدر تهون على قلبك مصآبه
وتقدر تنفض عن قلبك وروحك الوجع
تقدر تدخل الفرح لحيآتك
انت تستاهل تكون سعيد
حتى لو في جرح خلييه دفين
العمر واحد عيش الفرح عيش السعاده
عسى ربي يكتب لك فرح مايغيب
وبسمة ماتفارق شفاتك
ويبعد عنك الحزن الكئيب
وصح لسآنك وعلا شآنك
تقييمي لكَ ولحرفكَ»

*
*
*


وكتبت



والله ي سيمآ وهالحرف مخذول !
جيتك كلام .. وكل ودي أقوله ..


لا تحزني لو شفتي حزني بي ايجول ..
والفرح هين .. نلتقيه و نطوله ..


من وين أبدا والمسائل بي تطول ..
وللبوح في هالصدر صوله و جوله ..


أحيان أعيش الفرح بـ العرض والطول ..
وأحيان ضيقه وسط صدري مهوله ..


وأحيان (متثقيل) تقول شخص مسؤول ^ _ ^
وأحيان (متسعجل) بكتفه حموله ..


وأحيان اخربها لجل خاطر اميول ..
وقول عآدي كل شخص وميوله ..


وأحيان أعيش الحب هجران و وصول ..
في كل حالاته.. بأربع فصوله ..


لحظة مشيته كان هالقلب مهبول ..
والدرب مدري طلعته من نزوله !


والفآتنه لو حكيها حكي معسول ..
قامت تساهرني و روحي عجوله !


والحب تعريفه كمعنى ومدلول ..
شيٍ تشوفه / و القهر ما تنوله ..


والوضع ماشي.. تقدر تقول مقبول ..
خمسين بالميه كنسبة قبوله ..


والشعر ويش هو ؟ غير إحساس مغلول ..
يآمآ كتبته و انطرب في هطوله ..


كل ما لفاني قمت آرحب على طول ..
وكل ما جفاني قمت أنشر غسوله ..


وأغلب حياتي بين مشغول / مشغول ..
مافيه شي يجي لنا بـ السهوووووله ..


مقدام في يده مهند و مسلول ..
بس الزمن ما جاد له بالبطووله !



لـ الـولـه .

رويم ,سِيمَــآ♬ ,عبير الليل و 4 آخرون معجبون بهذا

وهــج ,*قلادة طهر..! ,عبدالله ,حبر مدري ورق

الموضوع الأصلي: والله ي سيمآ وهالحرف مخذول ! || الكاتب: وله || المصدر: منتديات أمل عمري

www.a-3amry.com

أمل عمري

منارة الناسك , نبض الطاولة , نبض الطاولة , نبض الطاولة , فعاليات , فعاليات , حصريات , إيقاع الشعر والنثر , شرفة الذائقة , أسراب الهذيان , مدونات , حكواتي , هودج الأنثى , الرياضه , عيادة الأمل , ومضات الألبوم , همسة العدسة , دروب اليوتيوب , دروب اليوتيوب , دروب اليوتيوب ,