|
اقولكم آخر التقليعات حقتها
حبست نفسها ف الحمام الله يكرمكم و تقول الباب مو راضي ينفتح عشان تبي تغيب و لا رضيت اقولها اطلعي تقول ما اقدر الباب تقفل علي عشان تغيب غصب و للحين انا ماسكه اعصابي ، يالله عطوني حل ؟ |
عندما ينتابني الوجع
اتذكر وجعي بك ، لِما تختفي الاشياء الجميلة و نحن لم نكتفي منها ! |
بكماء عندما يتعلق الامر بك ،
|
يوم بغيت اصير شرانيه
فجأة وافقو على اللي ابيه كنهم حاسين اني بنفجر فيهم ٢ و لازال العد التنازلي |
متناقضه في كل شيء
املك قلب خائف رغم شجاعتي ،، و رقيقه رغم شدتي و حدة نظرتي و صوتي مزعج بالرغم من هدوئي ،، و ما خفي اعظم حزينه على كل الاشخاص اللذين خدعو بي |
تدرون <- الحلقه الثالثه من تدرون خخ
تدرون اني قلت لأمي اليوم بهج عنكم خخ <- تستأذن قالت وين تهجين ؟ قلت مدري اي حته مدري ليه يبون يدرون خخخ اخر شي علمتها قلت بروح لخالتي و انام عندها عاد امي من الفرحه من هجتي راح كلمت خالتي قالت نوره بتهج عندكم خخ مدري نفسيتي اليوم نفسية مراهقه خخ حتى في الدوام نفست عليهم خخ عادي بكيفي مشرفتهم و لازم يسمعون كلامي |
خخخ اخيرا ضحكت خخ
امي تحوس في الثلاجه قالت مين اللي جايب موسى !! موسى مين ي ماما خخخخ انا جايبه موسي رمان و داسته في الثلاجه خخ و كشفتني بغيب اقولها موسى خويي خخخ |
تعرفون اني لا مسكت خط ابتّل خخ
احس عقلي مسرع و جسمي خامل |
|
اممم احتاج روقان ، لذلك احتاج الى الفوتوشوب
الفن بأنواعه ينعش الروح ، لذلك احتاجه عندما تكون النفس على مشارف الانهيار ، لأي سبب من الاسباب ، تشعر بأنك تهوي الى القاع لكن لا احب الاستسلام ، و احاول ان ارفع الروح اشكر الله اني سريعة التماسك ، و لا احتاج لأحد ،، حاجتي لربي فقط |
النفسيه تحتاج افسفس الفلوس خخخ و اضيعها
فلسفه جميله و نافعه جداً ،، |
١
دخلنا يوم جديد ، و كل ما نزل الرقم تزيد دقات قلبي معه |
|
https://www.youtube.com/watch?v=V5tEicxjoCs
كلماتها حلوه ، و لحنها حلو احس مو راكبين على بعض بس عجبتني :139: بدايتها مررره رايقه :127: |
جميل أن تبدأ صباحك بهدوء
صباحكم هدوء |
وجودك أمل
كلامك أمل كل شيء فيك يبعث على الامل وش شعورك لو قالو لك انت كلك أمل ، الناس اللي يحسون بالامان و الأمل جنبي اخاف ابعد عنهم ، مو عشاني عشانهم هم .. انا رجعت لعالم المنتديات من سنتين بس كونت لي صورة في اعين الناس عجيبه يمكن ينصبون خخخ علي بس حلو نصدق و حلو هذا الشعور هذي الصوره ليست بعيدة عن الواقع <- ثقه خخ قريبه من الواقع كثييير لهم مكانه في قلبي رغم البعد اتذكرهم كلهم مدري وش اقول بعد لكن اشعر برضا اشعر بالأمل بالحب لهم الحمدلله مرتاح اليوم اكثر من امس ، خفت التوتر عندي اقولكم سبب التوتر : عندي عملية تصحيح النظر بكرة و اكذب عليكم لو قلت ماني خايفه ، انا لي يمكن ثلاث سنين بسويها و ما تتيسر و الحين مدري تتيسر و الا لا بس الله يسهلها في البيت و الدوام بيحكوني كيف تصير و اسكتهم مابي اعرف ابي ادخل على عماي و الكلام عن الامل ريحني كثير ، لما تجيك وحدة تقول كلك امل و كلامك امل <- بتغير اسمها لأمل خخخ كلامها حقيقي و عارفته بس حلو لما يوصلك من احد ما يعرفك الا بحروف مدوناتي كلها تشكيله بين سوالف و كتاباتي كانت احلى مدونه في منتدى كنت احبه كثير لكن صاحبه قفله فجأة بدون ما يقولنا الاسباب على انه كان من انشط المنتديات و اجملها شردنا و صرنا نشوف بعض في كذا مكان و البعض منهم اختفى تماما هذي الحياة لقاء و فراق و لازم نرضى فيها و انتم بعد حبيتكم المشكله قلبي خضر يحب بسرعه خخخخ تذكرت سالفه مره كنت اسولف مع البنات و اغلبهم جداد و كل ما قالو لي وحدة قلت هذي احبها و هذي تجنن قالت وحده انتي كلهم تحبينهم خخخخ قلت وش اسوي قلبي يحب بسرعه خخخ و ما يكره قربت من دوامي ، عندي شغل عنيف اليوم الله يسهله و بس |
اقتباس:
ولازلت ادخل مدونتك باستمرار وارد غصب عني الله يحفظك ويسهل اموورك وترجعين وانتي6/6 |
اقتباس:
متابعتكِ تسعدني ، و الشغف في عينيكِ يبهجني حلوة المبسم و طُهر القلائد تثيرين القلب قبل الحرف ادام الله روحك الجميلة لقلبك باقة ياسمين دعواتك :( |
اليوم كان اخر دروس السباحه لغادة
<- تعلمها سباحه عشان ما تغرق <- مخ خخ على بالي بكنسله و احسبها ناسيه ،، دخلت البيت و مسويه نفسي ناسيه الا هي متجهزة و الله بغت تاكلني يوم قلت مافي سباحه خخ عاد انا صرفتها قلت نسيت خخخ و مشتني على كيفها بنت نورة <- خخخخ اكثر صفه ما تمنيتها تاخذها مني "العناد" هو حلو و مو حلو ف نفس الوقت الله يصلحها بس |
|
٠
دقت ساعة الصفر دقت ساعة الفجر قومو صلو <- عجيز تقوم عيالها خخ لكم و للمعتفس امتناني شكراً للطفكم شكرا لكرمكم متى ما قدرت ارجع ب ارجع لكم او يمكن اسوي العميله وانساكم <- تحسب العمليه ب مخها خخخخ كل شي جايز حتى زحف العجايز شكر خاص لطهر و اقولها انتبهي لمدونتي قفليها زين لا تغبر |
تقومي بالسلامه يالنور
وترجعين لمدونتك قبل تغبر لاتطولي ادمنت حرفك وحكاياتك كوني بخير وقلبي معاك ياقلبي ولازلت ادخل هنا واكتب دون شعور |
ي زيك بس
و انا لازلت احب ردودك هنا انتبهي لمدونتي الين اجي انا اليوم ما خليت احد ما حلمت فيه حتى الشقيري حلمت فيه و انا اصلا ما اتابعه و احلام عجيبه غريبه ما تصير ابد من الاحلام حلمت ان المعتفس وواحد ثاني يشتغلون معي في البنك المعتفس جالس يدرب الثاني على الصرافه خخخ المعتفس كان دوب و ما هو كاشخ و الثاني كاااشخ و مرسم خخ و انا اقول هاه دربه زين خخخ حلم الشقيري كنت رايحه للمطار انا و بنتي فجأة جيت مكان زي جامعتي زمان و دخلت غرفه كلها تلفزيونات و كان الشقيري فيها و جالس يتكلم مع بنتي و انا واقفه بعيد شوي الا قلت له ممكن اصورك سناب جلس يمزح و يقول لا بعدين خلاني جيت اصوره سناب مو راضي .. تغير شكل السناب و يطلع لي اشياء غريبه ما تطلع اصلا و كل ما اصور صورة تطلع غير الواقع اخر شي بطلت و تركت و رحت انا و بنتي ^ ^ تتوقعون له علاقه بالعمليه *فيس يصيح* ياربي لك الحمد بس كل هذا من الربشه اشوفك ي عطر على خير و اشوفكم كلكم على خير دعواتكم |
اذا ما اشوف يعني ما اسمع و لا اتكلم خخخ
سبحان الله كيف مرتبطين ببعض ،، احمد الله على كثير نِعمه بفضله فقط انا اصبحت بخير بفضله فقط انا بينكم الآن لكل الاحباب حولي شكري و امتناني صح ما اقدر اشارك كثير بس حبيت اسلم و تشوفون عيوني الحلوة بدون نظاره خخ |
عندما يجتمع صوت نوال و احساس فهد المساعد انا احتاج الفوتوشوب : ( مثل النسيم الساكن اللي مر له غصن و تحرك ذكراك مرتني بصمت و جا على بالي كلام |
http://www.m5zn.com/newuploads/2017/...7dcbb2402f.jpg
عشان مافي فوتوشوب اطلق الرسامه اللي بداخلي خخخ ارسم بعين مغمضه و عين مفتحه <- وش حادك بس كان في بالي فكره للشعر بس ما ضبطت ان شاءالله ف الفوتوشوب القى صورة تمشي مع فكرتي على فكره على كثر ما احب الرسم ماني رسامه بس الخبط:66: |
الصباح حُلم ، يتحقق كل يوم
الصباح أمل ، يُنعش الروح الصباح سعادة لمن يريدها فقط صباحكم روح تتغنى بالسعادة |
حلوة الحياة بدون دوام ،
حلوة تجلس مرتاح لا شغله و لا مشغله ، حلوة بدون تفكير ، بدون قلق ، بدون ... بدون... بدون اي شي يكدرنا ، اليوم عرفت خبر جميل ،، بيصير الايام الجايه بس مدري متى بس المهم انه بيصير .. اتخيل الدنيا بتحلو بزيادة اممم في الوقت هذا من كل احد و ثلاثاء اكون بهذي الفضاوة بس اليوم غير .. بدون نظاره <- رجت اهلكم خخخ بس جالسه انتظر غاده و مرسمه بالنظاره الشمسيه خخ يالله اهم ما علي عيوني .. كل شي اقدر اخليه الا جوالي ما قدرت اتركه اليوم كان عندي موعد و السؤال الاهم اقولهم اقدر امسك جوالي قالو تقدرين بس ما تطولين اكثر من ساعه و تريحين اصلا انا اكتب و نص عيني مغمضه خخخ زي المدمن و الله .. مو ع المنتدى و بس ..! انا جوالي مسويته مذكرات و كتابات اي شي يطري على بالي اكتبه تذكرت ذاك المنتدى كانو يتابعون سواليفي و ينتظرون مغامراتي انا وغدو بس الحين خفت مغامراتنا .. اوقات يصير دمي ثقيل فجأة و ما اتقبل منها شي بس مرات ننهبل سوى و نسوي اكشن ،، مع الايام تعرفون هبالي مع بنتي ،، يفصل السلك الاحمر بمخي و الازرق مشبوك بس يشطشط خخخخ يعني لا كذا نافع و لا كذا نافع احس اني بصير جدة و وناسه خخخ نفسي اشوف عيال غادة ايوه خلصت سواليفي و بريّح عيوني شوي و اخذ بريك مع نوال <- لازم تتكون فكرة التصميم |
فيه اشخاص يحسسوني ب جمال الحياة
رسامة اتابعها من عام ٢٠٠٣ في منتدى ما و مع تسارع الزمن و التكنلوجيا الجديدة لقيتها في كذا برنامج تواصل و ف كل هالبرامج صرت اتابعها و اتابعها بشغف من كثر ما هي رايقه انا طول ما اتفرج ف سناباتها ابتسم جزء من جوها الرايق http://www.m5zn.com/newuploads/2017/...271fda4815.jpg اعشق الرسم و الناس الرسامه تتوقعون لو اتعلم الرسم بعرف ارسم حلو ! |
https://youtu.be/BBqwYN8SISM
ساعة كامله من الاسترخاء ،، مين فيكم جرب و سمعها كامله ،، راح تحسون بعدها بهدوء عجيب ،، صوت المطر او خرير الماء يساعدك علي التركيز والقدرة على التأمل وعلاج امراض التشتت الذهني .. دراسات كثيره عن صوت المطر و تأثيره ع الشخص لكن الاجمل تجربة ذلك بنفسك كل اللي عليك شغل المقطع و غمض عيونك و استمتع <-الله يكفيني شر بعض الناس خخخ المهم انها شغله عجيبه ، كل ما حسيت بلخبطه مع نفسي شغلت المقطع و غمضت و سمعته ، بس على شرط صفي ذهنك و لا تفكر بشي |
هذا صباح العِشق ، و ثرثرات قلب ،
صباحكم حُب |
اصعب لحظه عندي
اصحي غادة من النوم خيشة نوم :/ و الاصح خياش نوم من يشتري ؟! |
ماما ماما
ماما ماما ماما ماما ماما ماما ماما ماما هذا الزن اللي اكرهه كل شي تقوله لازم قبله ماما قبل شوي قلت بشرب مويه قبل اطلع و استلمت ماما ماما ماما الين شرقت خخخ ما ابالغ لو قلت بين كلمة و كلمة لازم تقول ماما خخخ الله يصلحها بس |
لكن الصباح جميل بغادة و الا بدونها
|
http://www.m5zn.com/newuploads/2017/...b62326ed8e.jpg
و الحُب هنا ،، مافي اجمل من جو الطايف و اهل الطايف الاجواء جميلة و امطار ، و انا و بنتي ما شفنا خير جالسين تحت المطر |
الصباح امنيات اطفال ،
من برائتها ، ودك تحققها ،، صباحكم نور |
جو جميل و امطار و انا جالسه ف نص المطر و مستكنه
بس لازم تجي غادة تسوي اكشن خخخ كذا انا رايقه فجأة تقولي ماما الذبابين اذا جا مطر وين تروح <- جمع ذبابة خخخخ فجأة خرب جوي و قمت اتخيل وين تروح الذبابين خخخ |
مدري ليش تكرر كلامي
|
http://www.m5zn.com/newuploads/2017/...0118fdd91d.jpg
غير هالمدونه عندي مدونتين صغار وحدة للكشخه و الثانيه للشخابيط .. كل شي في الحياة اكتبه فيها .. كتابات و الا اهداف و خطط كل شي كل شي .. حتى غادة تكتب لي فيها اما الكشخه .. الحلو فيها انها بالتوايخ و الايام .. يعني كل شي ابي اسويه اكتبه فيها يوم بيوم و احس بالانجاز لما احقق لو ٧٠% منها شهر ابريل اكتشفت اني ما كتبت و لا شي فيه عشان كذا كنت احس نفسي ضايعه ملخبطه و الحين بلحق على شهري شهر مايو هالشهر انا احبه حب عجيب له مكانه خاصه اول شي انا ولدت ف هالشهر لازم حتى انتو تكونون ممتنين له لانه عرفكم علي خخخ و شفتو هالنادرة العجيبه خخخ و كل الاحداث الجميله تصير لي فيه مثلا انا توظفت ف هالشهر .. ممم و سويت العمليه فيه احبه و بس امم كنت بوريكم كيف صفحاته من جوا http://www.m5zn.com/newuploads/2017/...ce7f00eb22.jpg كيوت صح شي جميل ترتب ايامك ترتب افكارك و تحس ب الانجاز لما تحقق جزء لو بسيط من اللي كتبته لا تقولون نكتبه بروسنا ما يحتاج ورق ،، بقولكم جربو و تشوفون الفرق .. احس الليله ودي اسهر على دفاتري مع الجو الحلو بس خلص كلامي |
الحياة جميلة
عيشوها بكل تفاصيلها الحلوة آمنوا بأن ما اصابكم خير ، و أن القادم مذهل الانسان كتلة مشاعر و هو بنفسه يرتبها زي ما يحب صحيح في ظروف خارجة عن إرادته ممكن تكدر عليه لكن بقوته و إيمانه يتغلب على هذي الظروف دائماً تذكر من هم اقل منك ، تنعم بالنعيم اللي حولك صباحكم راحة |
| الساعة الآن 01:06 PM |
Powered by vBulletin® Version 3.8.8
Copyright ©2000 - 2025, vBulletin Solutions, Inc.