|
تمر بجانب الذكرى ،،
ذكرى طاهره جميلة ،، لا تدري هل تبتسم ام تدمع عينك ، روحها لازالت في اجواءنا يارب ارحم " امي نورة " و اسكنها فسيح جناتك |
http://www.m5zn.com/newuploads/2017/...9261bfdf3f.jpg
لا تشرهون ع الخط الجميل على فكرة اكتب و انا اتمرجح <- ترقع خخخ |
على فكرة المنتديات تظهر الشيء الدقيق ب داخلك ،،
انا ما اعرف وشو بس هو شي جميل ، احسها تصغرني ٢٠ سنه خخخ احبها و احب اتنقل بينها .. بس منتدى واحد مدونتي احلى شي و سبحان الله كانت من نصيبكم لحد ما يرجع المسك ♡ المسك اخذ قلبي وراح ، احزن لما اشوفهم بين هنا و هناك مدري ليه احب انكد على نفسي ، بروح افطر مع خالتي و اجي انزل لكم تصميم الا اذا صحى الشعب النائم خخخ احب جمعة بيت امي نورة ♡ |
ولازلت اعشق هذا المكان
يا ام غاده ولازلت اقول هل لي بالمرور يالنور وما اجملك..! |
اقتباس:
ي جمالك المكان مكانك |
هالجو الجميل ذكرني ب ابيات كتبتها ف اجواء زي هذي الاجواء
ماني شاعرة بس بعض الحروف تطلع على شكل ابيات بحطها هنا لانها مو وجه موضوع لحالها خخخ ،، المسا و البرد و الليل الطويل يجبروني غصب عني اذكرك المطر و ريحته و الجو الجميل تجدد الذكرى ي حبيبي و انهرك انهرك من قلب مجروح و عليل راحت أيامه يصد و يلمحك كنا سوى أعوام خل مع خليل بس القدر فرّق بيننا و ابعدك رحت وراح العمر من أسبابك هزيل يوجعك حزنه مرة و مرة يضحكك ضعت انا وياك و ضيعت الدليل و ضاعت احلامٍ كانت تتبعك ،، بس :98: |
|
على قدر الرضا تأتي السعادة
و على قدر الحُب يأتي العطاء ف ارضى و أعطي تُحب و تسعد .. كلما احسست بالتخاذل .. الضعف .. اتذكر ان هُناك ، أمل و أن ما حولي يبعث على السعادة ف يعود كل شيء لوضعه الطبيعي و يهدأ قلبي و يتيقن بأن القادم أجمل شكراً يالله ، منحتني القوة ، و الرضا الكامل عن نفسي و عن حياتي شكراً يالله ، لاني نورة و مو غيرها <- اكثر وحدة احبها انا خخخ مدري حسيتي خربتها ف النهايه خخخ مشكلتي جديه و ما احب اكون جديه ، و مشكلتي ذكيه و ما احب اكون ذكية ، و مشكلتي قويه و احب اكون قويه ، بكره عندي دوام و جالسه ارفع من معنوياتي حبو انفسكم اكثر شيء في الحياة اكثر من اي شيء حبوها اكثر شي لا تضايقونها ، لا تزعلونها حبوها من قلب ، صدقوني ما راح تندمون لو ما احد اعطاني كلام حلو انا اعطي نفسي كل شي حلو اعطيها كل شي تحبه احبني :64: |
تتذكرون فكرة دفتر الاحلام !
شريت دفترين صغار واحد لي و الثاني لغادة و راح نكتب احلامنا فيها و من اليوم ازعجتني تقول يالله نزين دفاترنا جتني قالت متى نزين الدفاتر امي جالسه قالت دفاتر ايش !! عاد انا استحيت من امي على طول طالعت ف غادة و اقول اسرااااررر و بنتي الخبله تقول لا للاحلام خخخخ ي زين بنتي على نياتها خخخ يالله بنروح نزينها و اوريكم |
|
و خلصنا
http://www.m5zn.com/newuploads/2017/...94a00ec7d3.jpg بس بعد ما دخت عورتني عيوني من التركيز شرايكم احلى دفتري و الا دفتر غدو اكيد ما يحتاج اقولكم الموف لغادة و الاصفر لي |
السعادة حلم نقدر نحقق ،
صباحكم سعادة :58: |
http://www.m5zn.com/newuploads/2017/...f8ee404e6e.jpg
لاحظو ان اليوم اول دوام بعد اجازه حلوه اجازه شفت فيها الحبايب ، شميت ريحة المطر و جلست تحته و هالاسبوع جداً جميل ، اسبوع ننتظر فيه احلى ايام السنه احب هالاسبوع من شعبان ،، تصدقون انه كان عندي اجازه فيه و حذفتها !! ليييه !! عشان يبقى لي رصيد من اجازاتي بس ، صباحكم اجمل من صباحي ♡ |
|
كنت بكتب سالفه و مسحتها
فجأة قالي مخي لا تسولفين خخ و انا اطيعه ما اقوله لا <- مؤدبه خخخ |
تدرون افكر اعتزل التصميم و اصير رسامه ،
بكتب في دفتر احلامي ابي اصير رسامه ياخي بنتي تعرف ترسم احسن مني بسم الله عليها عندي حلم ثاني بكتب بس مابي اقوله لكم سر بيني و بيني لحد الان حلمين الله يزيدهم |
|
ما افكر بشي
|
ابي القاني بس مدري وين رحت !!
|
نفسي اروح مكان محد يعرفني فيه
من زمان ما اجتمعت مع ناس غريبين عني صح اللي حولي يجيبون السعادة و اجيب لهم السعادة بس محتاجه انفرد مع نفسي ، احتاج لو ساعه ارتب فيها اموري يمكن ف رمضان تتحسن النفسيه الله ي رمضان جوه حلو ،، روقان و صلاة و هدوء نفس على الطاري اقولكم كل عام و انتم بخير .. |
سبحان الله بين يوم و ليلة يتغير كل شي
نظامنا و طريقة اكلنا و روحنا و كل شي احب ايام رمضان و ما احب تروح بسرعه بس للاسف تروح بسرعه رمضان اللي راح كان جدا حزين ، من اوله الى آخره حتى يوم العيد من اسوء الايام اللي مرت علينا المريض بإذن الله ممكن يتعافى المسافر يرجع لكن اللي يموت ياخذ قطعه من القلب و يروح الله يرحم اموات المسلمين جميع سبحان الله مرت سنه الحمدلله كل عام و انتم بخير |
http://www.m5zn.com/newuploads/2017/...caa3e2d2dc.jpg
و نبحر في بحر الخيرات نجدف بمجاديف من نور الى أن نصل الى بر السعادة |
http://www.m5zn.com/newuploads/2017/...ba1596377d.jpg
بما ان الاجازه بدت و غاده قلبت نومها تخيلو توها نايمه :/ يوم صحيت لقيتها راسمه هالرسمه مدري شكلها راسمتني و انا ارقص خخخ و هي جالسه تقرا <- ي سلااااام خخخ المهم ان الرسمه عجبتني |
|
بعد ما راح منتداي اللي احبه :58:
انقسمو الاعضاء بين منتديين ثانيين ،، يعني كل مجموعه يعرفون بعض مره جو ف مكان ، و انا ما اقدر اكون لا في هذا و لا ذاك ، احس ابيهم سوى ما ابيهم منقسمين و فضلت اكون عندكم لا هناك و لا هناك ،، صح ادخل عندهم و احط لي كم مشاركه بس عجزت اكون نشيطه و من حظكم اني اشارك عندكم اكثر <- ي واثق خخخخ بس عندي امل ان المسك راح يرجع و بيرجع |
انا قاطعه ف ناس كثيييير ، يعني صديقات قديمات
و اليوم فجأة قررت ارسلهم مباركه بشهر رمضات ما كنت ابي ارسلهم كلام مكرر صممت صورة و ارسلت لهم بس ♡ |
صباحكم راحة ،
صباحكم يشبه روحي اللطيفه <- الثقه خخ مدري وش مصحيني من الصبح ، ساعتي البيلوجيه موقته على هذا الوقت ، بس جيت اصبح عليكم |
|
اليوم جالسه اعاند اشياء ،
اشياء لازم تصير و الكسل يقولي لا تسوينها و لو ما سويتها اليوم بصير كل يوم اأجلها بس الحمدلله كل شي صار زي ما خططت http://www.m5zn.com/newuploads/2017/...11d8589201.jpg اممم انا اذا ما كتبت خطه و اهداف لأيامي ، احسني ضايعه حتى لو اهداف بسيطه مو شرط انجازات عظيمه ،، الحمدلله دائماً و ابدا |
الحمدلله عدا اول دوام رمضان على خير
و عساها كل الايام كذا و احسن احبني <- لازم ترفع من معنوياتها |
صباحكم طاعة و غفران ،
صباحكم دعوات مجابه ، و امنيات محققه ،، الأمل بالحياة كبير ، و التعلق بالامنيات شديد ، ما دامني على قيد الحياة و اتنفس ، ايش المانع يكون عندي امنيات و احققها مافيه شي يمنع ، مافي شي يرجعني ورا ، كل اللي حولي يدفعني للامام ،، حتى و ان كان فيه شي يرجعني لورا و يحبطني ، انا ما التفت له ، اوقات من كثر ما احس بالهدوء ، احس اني ما احس خخخ هو شي واحد بس يعصبني عناد غاده :/ .. عليها عناد عجيب عجيب لا يوصف ،، ما تحب الاوامر ، يعني لو قلت لها سوي كذا و هو شي عادي و تقدر تسوي لكن من العناد اللي ف راسها ما تسويه و تعاند و تسوي عكسه ،، انا اقول اذا هي ف العمر هذا و تسوي كذا ، لا كبرت وش بتسوي فيني للحين انا احاول اسيطر على العناد بكل الوسائل ، صح احيان تفلت اعصابي و اعاندها ،، لكن ارجع و اعيد برمجة مخي و لازلت في جهاد و الله يقويني و يصلحها ،، اممم بس :34: |
احكيكم عن سالفة نقلي للفرع اللي انا فيه ،،
الفرع يبعد عن بيتي نص ساعه بدون زحمه ، ولو كان فيه زحمه تصير المسافه اطول .. قبلت فيه عشان الترقيه ،، و عشان في المقابله سألوني عن نقاط القوه عندي ، قلت انا في اي مكان تحطوني ابدع و ما اقول لا خخخ ،، و يوم قالوا لي بتروحين فرع س ما عارضت عشان ما اخالف اقوالي خخخ المهم قبل لا اباشر العمل كنت متخوفه من المكان و البنات و كل شي ،، لدرجة كل ما يجيبون الطاري قلبي يدق بسرعه خخخ المهم نقلت و حالياً بكمل ثلاث شهور ،، و لو يقولون لي تطلعين من هذا الفرع بقول لا ، حبيته بشكل يعني مهما نكون ماخذين تصور عن مكان ، الواقع يخالف الصوره ، يعني لازم تجرب قبل تحكم .. و اليوم سمعت طراطيش حكي ، انه فيه حركة تنقلات ،، انا كملت ثلاث شهور التكليف ، و الثبيت ممكن يغيرون مكاني ، و ممكن يقربوني من بيتي بس انا مابي :( بعيد عن انه المكان عاجبني ، بس انا ما سويت اللي خططت عليه لسى ما كملت بصمتي في المكان ، لسى عندي افكار ما سويتها كل البنات يحبوني الا وحدة ، احسها تتحسس مني لاني اوقات اكون شديدة و ما تتقبل بس المديرة تحاول تكسر هالحاجز و تجيبها جنبي عشان اراقبها عن قرب ، و متحمسه للاكشن خخ |
لولا هذا ما سويت هذاك ،
و مدري متى نصير كذا ، عشان يختفي ذاك هذا و هذاك و كذا و ذاك ،، مدري وشو خخ الوكاد ان شسمه وصل |
http://www.m5zn.com/newuploads/2017/...c2654c4a78.jpg
كل البنات اشوفهم مزينين طاولات و غرت منهم خخخ يقولون لولا الغيرة صرت صغيرة مدري كنت صغيرة المهم اللي هو ،، اهم شي وصل لكم ان الغيره تصنع المعجزات خخ،، صباح رايق و جميل اتمناه لي و لكم ♡ |
لاشيء يستحق العناء
عش لنفسك اولاً ثم التفت للبقيه ،، |
كثيراً ما نردد عبارات التحفيز ، عبارات تفاؤل ،
ليست مثالية ، و لا لاننا جيدون بما يكفي ، لكن لنشعر بالتحسن ، نشعر بأننا قادرون على الوقوف من جديد |
في هالزمن ، فيه اشياء مهما تخبيها تظهر ،
الا الاشياء اللي ربي اراد لها الستر ، بس |
http://www.m5zn.com/newuploads/2017/...b009b55028.png
وجودك هنا في حكايتي القصيرة ، فرح و كلامك كله حكم و درر ،، احترامي لك و لرقة حضورك ، ،، |
مدري هو انا ذكيه و الناس اغبياء ،
و الا غبيه و الناس اذكياء ، احيان افكر ب اشياء ما تطري على بال احد ، او اسوي شغلات يستغربونها الناس ، كأني اسوي شي عجيب ، و مرات احسهم يتكلمون كلام انا ما افهمه بسرعه ،، و مرات اشوف احد يسوي شي غلط و ودي اصحح له بس اخاف افشله و اقول خله على هواه يمكن اللي سواه صح و انا فاهمه غلط ، و مرات مرات ، فتحيه مِرات مين <- تسمع مسلسل مصري و قلبت خخخ قبل شوي جالسين نتقهوى انا و امي و نتابع لقاء مع الشاعر ياسر التويجري هالانسان شعره يعجبني بس هو ينرفزني مدري ليه ،، و احنا نتفرج علقت عليه قلت " لسانه طويل " و امي مركزه معي تقول هو الشاعر كذا دايم "لموض" كل ما يسأله المذيع سؤال وده يغلط بس يمسك نفسه في الاخير ،، نرجع لكلمة لموض اللي ضحكتني خخخ بما معناه يوديك البحر و يرجعك عطشان ، ما تاخذ منه لا حق و لا باطل خخخ قال قصيده اعجبتني ما امداني احفظها خخخ من اليوم ادورها ما لقيتها اذا لقيتها بجيبها بس |
اليوم صار لي شي للحين افكر هو حلم و الا حقيقه
و انا نايمه قبل وقت الدوام <- قبل ما انام كان حلقي يعورني حسيت اني قمت من النوم و اخذ قاروره المويه اللي جنبي و اشربها :| فجأه تذكرت اني صايمه و على طول رحت ع السريع بجيتها "تفلت المويه ، طلعتها من فمي" <- بكل اللهجات خخخ و للحين افكر هو حلم او لا ،، بس الحين شفت القاروره فاضيه و الظاهر اني شربت المويه كلها خخخخ اتوقع ما يفطر اذا انا نايمه :34: |
| الساعة الآن 01:06 PM |
Powered by vBulletin® Version 3.8.8
Copyright ©2000 - 2025, vBulletin Solutions, Inc.