|
امي كل شوي تهاوشني ،، تقول قومي نامي وراك دوام :/
|
صباحكم رضا و اخوه مرتضى <- تنكتين مع الصبح
ايوه بس عشان اضحك خخخ كل شي جميل يبدا جميل و لا ينتهي ♡ فأنتم الجمال و لا نهاية لكم |
هذي يسمونها سماجه ي طهر بعيد عندك
و تخيلي سماجتي و انا توني صاحيه من النوم :/ متنحه و سامجه شي لا يطاق خخخ تخيلو ما انتبهت للساعه و صحيت و تجهزت و جيت الدوام بدري مره مقهورة على شوية النوم اللي راحت مني و مافيني امسك و لا ورقه |
http://www.m5zn.com/newuploads/2017/...689619098f.jpg
و اليوم موعدنا مع الكيكه اللذيذه حتى لو مي حلوه بقول لذيذه خخخ للامانه الكل قال لذيذه ♡ |
هذي غادة
حبيبة القلب و وداده اميرتي سكر زياده بس قبل خمس سنين :76: |
بعض المشاعر لا يمكن ترجمتها إلا " بالخوف "
و هذا الخوف ليس له مبرر ،، خوف على من لا يخاف ،، هذا الاحساس يروح و يجي ، مره يجي محمود و مره مذموم ،، و مره اقول مالي داعي ، فعلاً مالي داعي و لا لي علاقه ، و انا اقدر اتغلب على كل شي ، بس انا معطيه مجال للخوف يحوم حولي ،، <- تنحت :/ تعرفون وش تنح بي ! اغنيه هنديه خخخ خخخ خربت مزاج الكتابه و انا كنت ماسكه خط ،، ما عليكم لا مسكت الخط جيت خخخ خطوطي واجد الله يستر منها |
http://www.a-3amry.com/vb/lgb/8.gif هذا الشي ما ينشال من تحت اسمي ! احسه يشتت انتباهي <- خلقه الانتباه مشتت |
نوميديا الله يسعدك يارب و يشرفني و الله رايك فيني ،
و انا اتشرف بهاللقب ... حبر اي جمال تتكلم عنه .. انت طالعت ف وجهك في المرايه خخخ الله يسعدك ... احنا نتكلم عن جمال الروح و هو اللي ما ينتهي حتى لو تجعد وجهك |
ثاني شي ي طهر من اليوم افكر وش سويت
اعرف نفسي مفهيه و اجيب العيد خخخ |
فارس الفهد
الفارس اللي يقطف النجم بيديه ابن الفهد يهديك فرح لوكنت ضايق ... لست بشاعره لكن نرد الجميل .. عساها قد المقام |
|
عندما يسلب الحنين روحي ،
و يحلق بها عالياً .. تهيم و تهيم .. لكن بمجرد أن تعود للواقع و ترى الوجود من حولها ممتلئ تبهت ابتسامتها .. و تهوي روحها الى القاع .. شكراً للذكرى الجميلة و شكراً للألم اللاذع و اعود للدعوات كي تسكن الروح |
تجيني حالة ودي اكتب رواية ،،
ارسمها ب خيالي و احكي تفاصيلها ،، كانت لي تجربة وحيدة .. بس كل ما اقراها احسها ما تصلح للنشر على اني كتبتها في موقع ما ،، كتبت الحكاية على شكل خاطرة ، |
يلبس الحنين ثوبه الرث ، ليستقبلك ،
و تراه منهك فـ تصد ، ، الصور ، الذكريات ، و الكتابات القديمة تحمّل القلب ما لا يستطيع ، بقدر الحزن ، هُناك فرح :58: |
ازداد اطمئنان و صدود
عندما اعلم اني لست وحدي من خُذل ، صباحكم سعيد .. بعيد عن مشاعر الخذلان .. |
يالله قولو يارب يصير اللي في بالي :49:
لو صار بقولكم وشو ... و الله من جد نفسي يصير ادعو لي اول مرة احس اني بموت على شي :83: |
حكيت السالفه كلها و طارت
و مافيني اعيدها :/ |
مساء الجمال للارواح الجميله
مساء النقاء للقلوب النقية ،، عندي دوشه مدري متى تخلص ، بس جيت اسلم عليكم |
و اخيراً تنفسنا الصعداء ♡ و جات الاجازة
كانت ايام متعبة و شاقه .. و تبدأ ايام الحوسة اللذيذة .. التجهيز للسفر ♡ الحمدلله |
فيه ناس تهوى النكد ..
تنكد على نفسها و تنكد على غيرها ترا الدنيا ما تسوى و الله في لحظه بنموت و يختفي كل شي الا اثرك الطيب اتركوا الفرح خلفكم ليذكرونكم الناس بالطيب هذي من القواعد المهمه اللي اتبعها في حياتي و هالقاعدة تترك اثرك جميل داخلك .. تحسسك بالطمأنينه ♡ احبني ♡ |
حاشاك ي نوميديا من النكد و اهله ..
ممتنه للجميع و اشكر مشاعركم الطيبة .. للجميع دون استثناء احترامي |
http://www.m5zn.com/newuploads/2017/...55f064fb3b.jpg
احدثكم الآن من المسجد الحرام لحضور الختمة الله يجعلنا و اياكم من عتقاء هذا الشهر الكريم ♡ |
♡
|
احمد الله على كل شيء .. و اشكره و لا اوفيه حقه ..
اعطاني ف اكرمني بنعمه .. اتأمل حياتي و ايامي و اجدها بالخير تنعم .. احداث حياتي عجيبه .. مهما صار فيها منغصات و اشياء تكدر الا إن النهاية جداً رائعة .. و إن كنت حرمت من اشياء ف الله انعم علي بالاجمل تسلسل الاحداث يجعلني اكثر هدوء و أن اتيقن إن الله معي اقرب شي صار .. ترتيب اجازتي مع دورتي و دورة غدو كيف ربي رتبها لي و ارضاني فيها الين طرت من الفرح♡ لدرجه امي تقول لا تحسدين نفسك .. تدرون ان اسباب التوفيق و الرضا هي ارضي امي .. و ادور الاشياء اللي تسعدها و اسويها لكن احس لسى مقصرة الله يقدرني على برها و طاعتها .. و يرزقني بر غادة بدعي لكم .. |
قبل ان تلوم غيرك و تعيبهم
تأمل حالك بصدق .. تأملها و انشغل بها عن غيرك .. مساكم اقتناع ♡ |
اخبرني لما اكون معك ..
و انت خنت المشاعر .. و استبحت رقتها .. لكل منا وجهة نظر .. و لكل منا اسلوب حياة .. و ايضاً لكل منا قلب لازال ينبض .. لن اتبع قلبي إلا فيما يسعده الى النهاية .. تلك الاشياء اللتي تقف عند المنتصف عاجزة مستهلكة خائرة القوى .. لا تفيد بشيء تلك الاشياء اللتي تثبت لي انها لا تليق في كل مره احاول تغيير النظرة تلك الاشياء بالرغم من كل الخيبات .. لازلت اتذكر هدايا السعادة منها تلك الاشياء .. تثور ان تحدثت عنها .. لكن لا يهم .. سيخمد البركان .. و تزهر الارض .. و يعود الفرح ♡ |
http://www.m5zn.com/newuploads/2017/...681800f177.png
للجميع دون استثناء .. امنياتي لكم ب اجمل عيد كل عام و انتم اجمل |
لا استطيع ان اكون الملاك اللذي لا يخطيء
لكن استطيع ان اتحاشى الاخطاء حتى لا اقع |
هذا صباح العيد حاضر .. و إنت غايب ..
♡ |
في ذاك الزمن القريب .. كنت اخشى التعبير ..
اخشى .. ان تكون مشاعري محط عطف و شفقة .. او استهزاء لكن الآن .. تغيرت الامور .. تغيرت النظرة .. لا تعلم اي المواقف تدخلك دائرة الحيرة ان نكون او لا نكون .. كنت اخاف عليك .. ثم خفت منك .. ثم من دون ان اشعر خفت عليك .. بين عليك و منك .. بهتت الرؤية .. و من بعد عين الحب .. اللتي لا تُقارنك ب احد .. تغيرت النظرة .. حتى الاحداث السعيدة اصبحت باهته الحديث لا يكف و لن يكف .. و لم اعد اخافك.. اتوقع في اي لحظه سأتلقى التهديد منك ليس حباً و لا خوفاً ،، و لا ... و لا .. ..! لكن لتشعر انك الاقوى كما تحب ان تكون .. و انا انصاع ليس خوفاً .. و لكن اتقاء شراً قد يكون و لكن جل ما اتمناه .. !! في الحقيقة لا اتمنى منك شيئاً .. اريد اخبرك سراً .. لكن سأخبئه لك في حديثي يوماً فقط حتى لا تعتبره نصيحه او تحذير .. لكن اريد لقلبك .. ما اريده لقلبي .. لست طيبه .. لكن عقلانيه بما يكفي .. شكراً لاصغائكم لهلوسة العيد ♡ |
فيه احساس داخلي ،، ما اقدر اكتبه لو حاولت ..
مهما حاولت اكتبه .. الحروف تعصاني .. بس بعلمكم انه احساس جميل .. ♡ |
يبي لي جو رايق .. عشان اكتب اللي يقرقع بصدري
و ما اظن فيه جو هادي .. :/ |
احب اسنتر هنا
ماكتبتها تقيييم حبيتها هنا^_^ يوما ماقال لي احدهم ان مدونتك مميزه واليوم متأكده انها فخمه |
محد قالك طيب اني احب وجودك هنا ..
ي زينك ي طهر تزينين المكان .. و ما انا الا قطرة ف بحر ابداعك و روعتك ♡ |
احس عيوني فيها عدسات ..
نفسي احكها بس ما اقدر .. و احيان ودي اغسلها بموية باردة .. احساس مو حلو مدري متى ينتهي |
عندما اكون لأجلك كل شيء
و تكون لأجلي لا شيء يسهل عليك التخلي و يصعب علي النسيان |
هادئه جداً ..
ذكية و اعرف ما يدور حولي .. لكن افضل الصمت .. لا تهمني المظاهر .. بقدر اقتناعي بنفسي احبني لدرجه ودي بنتي تطلع مثلي .. بس للاسف اننا مختلفات .. |
سجلت خروج و قلت ابي انام .. بس ما جاني النوم
و الافكار تودي و تجيب .. و الهواجيس تلعب بي .. نفسي اسولف بس ما عندي سوالف غير اني كل يوم اتهاوش مع غادة .. الله يصلحها بس .. اول يوم العيد مررررره طويييل لدرجة حسيت انه يومين اسولف مع امي و اقولها امس رحنا لكذا و كذا .. تقولي ترانا لسى في اول يوم خخخ بس اليوم عدا بسرعه .. سبحان الله في اشخاص .. من يوم يشوفونك تحس بحبه لك رغم بعد المسافه بيننا .. بس اذا قابلتهم احس ودهم يسولفون معي و يفتحون مواضيع و انا استحي ما اعرف اسولف كثير يصادفوني ناس كذا بس هم اكثر ناس استحي منهم اذكر زمان كنت اتكلم مع نفسي بشكل سلبي و كنت دايم ازعل من نفسي و اتضايق كثير الين لما تعلمت افكر ب ايجابيه و احب نفسي اكثر صار مافي شي يزعلني .. و اذا تكدرت اطلع نفسي من مود النكد .. الحمدلله .. صرت اتحكم اكثر بعواطفي و مشاعري اعرف اللي يضرني و احاول اكون حذره لو نفسي فيه على عكس زمان كنت ضعيفه و اي ضيق يمر علي ممكن اتكدر و ابكي و حاله .. بعد في صدمات تصير تقوينا اكثر .. تعلمنا وين لازم نكون .. و كيف نتصرف بس احمد ربي على كل شي صار .. كل مرحلة في حياتي اعتبرها جميلة بكل شيء و تعلمت ما اكون كتاب مفتوح .. تعلمت اكون كتاب يفيد .. يعطي بدون مقابل ما ابخل ب معلومه اعرفها تعلمت اكون طيبه مع الكل .. و احاول محد يذكرني الا بالخير على انه فيه ناس ما تذكرني بالخير .. بس انا اذكرهم بالخير تعلمت انسى الاساءة و ما ادقق كثير تعلمت ان الشيء اللي ما هو لي .. ما اعلق قلبي فيه تعلمت اني احب كل الناس و لا احقد على احد و لازلت اتعلم من عمر الثلاثين .. حتى يوم اجي الاربعين و انا بكامل نضوجي .. و بسن الخمسين ببدا استقبل احفادي و ادلعهم زي ما دلعت امهم .. و انا في العشرينات كنت عايشه بين السماء و الارض .. و ماني ندمانه على كل لحظه .. تجارب جميلة .. تناسب هالسن .. فتره عدت بدون احس .. فتره جميلة .. كانت ايامي انا .. ♡ هذي هلوسة ثاني العيد خخخ الله يستر من ثالث العيد |
^
^ ي نصاااااابه هذي اللي ما عندها سوالف خخخ |
اللي انكسر .. عيّا ينجبر .. مهما حاولت اجبره ..
... |
| الساعة الآن 02:40 AM |
Powered by vBulletin® Version 3.8.8
Copyright ©2000 - 2025, vBulletin Solutions, Inc.