|
http://www.3rbz.com/uploads/6f0b58d8888b1.jpg
يسعد لي قلبك ي طهر .. و يسعد لي روحك الجميله تخليني اتحمس و اسولف اكثر خخخ .. بس مدري اليوم فيه هلوسة ثالث العيد او لا خليني اطلع انام و تبدأ الهواجيس و تبدأ السوالف .. |
اممم اليوم ثالث العيد ..
و احساس الاجازه جميل صراحه ما اعد الايام على الدوام او بالاصح نسيت ان عندي دوام خخخ في سنه من السنوات .. كنا نحب نواصل و نسهر بس الحين خلينا هالموال اللي اصغر منا .. عيال الابتدائي و المتوسط .. و احنا كبرنا على هالاشياء السهر بالنسبه لنا صار ممل .. طلعت انام و كنت باخذ بنتي معي .. بس شفتها مبسوطه و سهرانه مع الشله و خليتها .. بس ابشركم انا و ياها ما تهاوشنا اليوم على اللبس .. اقولكم شي قهرني .. مرة تهاوشت انا و غاده . . اذا عصبت عليها صاحت و اذا هديت صاحت .. قلت يا ماما وش اسوي معك مو عااجبك شي قالت انتي بكل حالاتك تقهريني .. انا وقتها صدمت .. قلت ما عندي رد اقوله لك .. اوقات تجنني الله يصلحها امممم .. تدرين ي طهر ودي اسولف عشانك خخخ بس اخاف يجي يوم و تملين و تقولين ليتني ما عطيتها وجه خخخ كان في بالي سالفه و طارت خخخ تذكرتها .. كثير منتديات جيتها و يعجبوني بنات و نكون صحبه في المنتدى .. و اتوقع اني لو بصاحبهم برا المنتدى انفع .. بس وحده توصلت معها برا المنتدى و احس اني ما انفع اسولف .. يعني عادي اسولف هنا بس برا لا ارجع لطبيعتي مدري هو تناقض و الا نفاق و الا اني اسوي نفسي .. بس فعلا المنتديات تعطيك مساحه مريحه تتحرك فيها .. تحس انك تكتب كلمتين هنا و كلمتين هناك و تضيع بين الردود و المواضيع .. و محد يحس فيها .. اليوم انا متضايقه .. و مادريت انه باين على وجهي الا الين قالي خالي وش فيك وش مزعلك .. لان دايم يطقطق و احب اطقطق معه و احارشه .. قلت و لا شي بس نعسانه .. و انا اصرف خخخخ هي فتره و تعدي يجيني فترات انفس مع نفسي و ارجع اروق بسرعه .. الحمدلله على كل شي .. ما كأني قلبتها نكد خخخخ عادي لازم تعرفون اني نفسيه .. يمكن فيه ناس وعدوني ما يضايقوني و ضايقوني و انا زودتها حبتين .. مفروض ابلعها زي ما بلعت اللي قبلها .. بس هي اثارت شي داخلي .. شين انك تكبت تكبت .. و مسوي نفسك قوي .. و من شي بسيط تنفجر .. ما عليك ي طهر بكره اجيك بنفسيه حلوه .. اوقات ي طهر احس اني انا و انتي في المنتدى لحالنا . مدري وش ذا الاحساس .. ما هو قصور في احد كلكم على عيني و راسي بس طهر ترفّع لي خخخ ي حبي لك ♡ |
صباحكم ورد ..
♡ لجمال ارواحكم باقة ياسمين |
سبحان الله .. دنيا غريبه .. و نعيش و نشوف ..
في بعض الناس ما ينفع معهم الطيبه و العطاء .. مهما تعطيهم و تكون طيب معم .. ينكرون .. تبي الناس يمشون على مزاجهم .. و ان ما مشوا على مزاجهم وضعوهم في خانة الاعداء .. و نسوا كل شي .. ناس غريبه .. و دنيا غريبه .. و لازلنا نعيش و نشوف .. عيش بقلب نظيف راضي عن نفسك .. قلب ابيض لا يكره و لا يحقد قلب محب للجميع .. و محد يسيء لك .. الا ضعاف النفوس و هذي مقدور عليها .. ترميهم ورا ظهرك و تمضي .. |
في اشخاص معينه ودي اجمعهم في مكان واحد
تشتت و انا اتابعهم هنا و هناك المشكله اني استحي اجمعهم ف مكان واحد خخ |
ما اعرف ليه الناس نفسيات و تحب النكد
ما يدرون اننا بنموت و نترك كل شي ورانا |
كم اتمنى ان تكون الذاكرة مثقوبة ..
|
بعض الناس يحسبون انفسهم مهمين ..
مادروا انه تواضع مني .. نزلت .. |
قاسية بما يكفي ،، كي اتجاوزك ،،
|
لم اكن بهذه المزاجية من قبل ،،
و لم اكن بهذه الطباع السيئه ،، لكن اتقبلني ،، عندما لا يتقبلني الآخرون ،، |
جمالنا ما هو الا امتداد لجمال قلوبكم ،،
لازلت اعي و اتيقن ، انه كلما كبرنا ، كبر العقل و رق القلب .. يكبر لـ نُميّز ، يَرق لـ نُحب كل ما حدث ، ما هي الا محطات نأخذ منها الحَسن و نتجنب السيء ،، اشكر الله ، على كل عقبة مرت في طريقي ،، على كل نعمة انعم الله بها عليّ ،، بفضل الله ، اصبحت افضل ، اصبحت اقوى و إن مر الضعف بنا ماهي الا فترات و يغيب كل شيء يكدر خواطرنا احبك يالله :58: و احب كل شي مررت به :58: و احب حياتي :58: و احبني :124::58: |
صباحكم جمال ،، صباحكم ورد ،،
ودي ان عندي سالفه و احكيها ،، بس من بعد العيد ما فيه مغامرات ،، ما فيه الا صجه و لجه :132: و ازعاج بزارين ،، و كلها كم يوم و نبدا نتفرق ،، اللي رايح شرق و الا رايح غرب ،، و ناس تهجد في البيت .. و انا لسى ما استمتعت باجازتي زين ،، زي ما يقولون اكل و مرعى و قلة صنعه :100: بس الحمدلله اسهر للفجر و انام للظهر ،، <- كذا الاجازه خخ <- باين ان ما عندي سالفه خخخ :d |
دايم احب افصل بين المشاعر و ايش ابغى ، و الناس اللي حولك و وش يبغون ،،
انا اسوي كذا عشاني احب كذا ، و ما اسوي كذا عشاني ما احب اسوي كذا ،، اممممم كنت بتفلسف خخخخ و تذكرت شي لازم اسويه :/ بصلي و ارجع اسويه |
https://68.media.tumblr.com/e71cc2fb...g53oo1_400.jpg
عندما تهرب من شيء ، لتقع في شيء اكبر و اعظم ، إعلم انك لن تستطع النجاة إلا بعجزه ،، لكن عندما تهرب إلى الله ،، تهرب إلى النجاة ،، إعلم إنك نفذت بجلدك ، و نجوت ،، |
صباحكم يجنن :98: <- مثلي طبعاً خخخ
شخباركم ،، شعلومكم ،، وش مسووين ،، ياربي احسني مغبره ،، اعتذر عن الغياب ، و اعتذر من اللي سألوا عني ،، و اعتذر من الناس اللي اعتذرت منهم اول شي <- تطالع في طهر خخ :98: اشياء كثيره تجمعت ف وقت واحد ،، اجازه و دورات العمل و السفر ،، و الصحبات العسل ،، ما نستني اياكم ،، لكن اخذتني شوي ،، اقولكم سر ،، دقيقه اجي و اتطمن عليكم ،، كلكم موجودين ،، و اضطر ما اسجل دخول لاني ما اقدر ادخل و لا اكتب شي :12: زي اللي يدخل مكان و لا يسلم خخخ للحين ما انتهت الدوشه ،، بس حبيت اسلم عليكم و اقول اني بخير و لسى انتو ف بالي ،، باقي من دوشة الدورات الين يوم الاثنين ،، بعدين ارجع اداوم و دوشة الدوام و غدو عنها دوره بعد و تبدا دوشه جديدة بس ان شاءالله ارتب وقتي الحمدلله ،، ربي يشغلني عن التفكير السلبي و الاشياء اللي ما تفيدني للجميع بدون استثناء .. سلامي ،، الله يسعدكم :58: |
كل شي جميل في حياتي افقده لا غاب ،،
اكره الغياب ، و لا احب اغيب ،، لكن بعض الظروف تجبرك تبتعد شوي شوي ،، و مساكم فرح |
بالصدفه طلعت رمزيتي مطقمة مع لون النك خخخ
طلعت فنانه بالفطره <- لاحظو ان الثقه زايده المهم مساكم فرح و كل عام و انتم بخير |
بما اني في افضل حالاتي ،،
جيتو ع البال و جيت اصبح عليكم ،، وش احلى من انك تنسى زعلة البارح و تضحك من جديد ،، هذا يخليك اقوى ،، يخليك أجمل ،، و يسعد صباحكم https://www.youtube.com/watch?v=10HolmLqqXg |
اليوم حلمت حلم زي احلامي القديمه ،،
استغربت ليه حلمت هالحلم ،، ليه .. ! و تجي ببالي افكار و اطردها و اقول مو معقول ،، جلست افكر ف نفسي شوي ،، كيف تغيرت ١٨٠ درجه ،، كنت ويين ، و كيف صرت ،، اوقات احبني كذا ،، و اوقات اقول ليه انا صرت كذا ،، ليه ما اتغير و يصير ذهني صافي ،، ليه ما ابطل تفكير في كل شي صار ،، ليه ما اعيش طبيعي كأن شي ما صار ،، ليه ما ارجع صفحة بيضاء ليه اصد بهذي الطريقه ،، و اوقات اقول ليه انا طيبه كثير ،، ليه .. ليه ،، تتردد كيف ،، تتردد بس ما القى اجابه ،، ما القى لي رد ،، يشفي روحي ،، و ما القى ،، و اقول اصلا عادي و الله عادي ،، انا مبسوطه كذا ،، مبسوطه اني محتفظه بالاشياء الجميله ،، و جالسه انفض عنها غبار الوحشيه ،، حتى تصير حلوه في كل الاوقات ،، من زمان ما هلوست عليك ي طهر ،، و من زمان ما رديتي في مدونتي ،، ترا وحشتني و منت فاهم ي اغلى من مر بعيوني <- مستلمتها من الصبح خخ |
اعترف خطير ،، ما صرت اخافك ،،
|
ومن زمان ماشفت سوالفك
وهلوساتك واحاديثك العفويه واللي تزينها رووحك وروح غدو فيها وترئ احلا شي ننفض كل حاجه ونصير صفحات بيضاء |
دايم احاول اجمل ايامي ،، بكل شي جميل مر علي ،، و اتغاضى عن الاشياء اللي مي حلوه ،
و احاول كل يوم ابدا من جديد ،، |
انا من لمست جدار قلبك بلطف ربتت عليه ..
الى ان هدأت روحك .. الى ان ملأت كونك بددت حزنك .. و لففتك بوشاح الألفه .. حتى و إن كان كل هذا شعور وهمي يكفيك أنك احسست به .. في داخلك روح تشبه روحي .. تآلفت إلى ان اصبحت كالجسد الواحد .. و افترقت .. و متنا سوا ولدنا من جديد .. اغراب .. لم نراعي .. عقد كامل مر من اعمارنا .. و لم نبالي به .. في هذه الليله فقط ايقظني حلم الأمس اثار الحنين .. حتى نسيته .. و لم اتذكر سوى إننا التقينا.. اتعلم ..! أني لم اعد اخافك .. و اخاف عليك اكثر من خوفك .. |
حاربنا لنكون ما نحن عليه الآن ،،
كان طعم الانتصار مُر ، لكن تجرعناه ب رضا ،، لو عاد بي الزمان ،، لرضيت بالهزيمة ،، |
ادري ان احلى صباح هو شوفتي <- باين شوفة النفس خخ
لا من جد صباحكم جميل بكل شي تحبونه ،، صباحكم انتم و احلامكم الجميلة ،، اكتشفت شي ،، ان اي احد يمر قدامي ،، ما اقدر انساه ،، كيف الذاكره صفحة بيضاء و نعبيها بالاشخاص الحلوين ،، انتم في الذاكره تبقون رغم الابتعاد ،، و شي ثاني لازم تعرفونه ،، اني وافيه .. و اقدر الناس اللي تقدرني ،، رغم مشاغل الحياه ،، و تشتت التفكير ،، الا انه لكم وسم في الذاكره و القلب الله يسعدكم ،، |
بيدي وضعت نفسي ف الفخ و انتظر حتفي ..
|
http://www.m5zn.com/newuploads/2017/...a10ac2c421.png
ما طلبت شي ،، بكره الشيك عندك خخخ <- لا يكون بدون رصيد بس خخ |
كتبنا لك الشيك .. و شوف من يصرف لك <- اشم ريحة نذاله خخ
http://www.m5zn.com/newuploads/2017/...aa9615c37b.jpg |
عندما يكون الجنون .. انا اتواجد سريعاً .. بالرغم من طبيعتي الهادئة جداً
لكن احب كل شي غير مألوف هذا شيكك ي طهر .. مميز .. http://www.m5zn.com/newuploads/2017/...dc9017300f.jpg فلستوني خخخ |
كبرت و اصبحت انضج ،،
و اصبح الاقتراب مني شيء خطير لا يحتمل ،، منذ سنين و انا ابني الحواجز بيني و بينهم ،، و الآن اشتدت و يصعب كسرها ،، لكن سيفوز من كان يملك قوة لا تهزم و صبر لا يموت ،، احبني كما انا :58: و انتم عادي ما تحبوني خخخ <- لازم تخربها ف الاخير خخخخ لازالت عندي هذي المشكله ،، اني ممكن اقلبها مزح في عز الجد فيه ناس ما تتحمل هالاسلوب بس ياخي انا اتحملني و امي تتحملني <- هذا يكفيني ،، الشخص الوحيد اللي يتنرفز مني ،، هو بنتي ،، تموت لو اسوي لها حركات زي كذا ،، نفسي اعالجها من النرفزه و العصبيه دايم اقولها ترا تكبرين بسرعه اذا عصبتي كثير بس ما تصدقني صباح السواليف الجميلة ،، و صباح التناقض اللي ياخذك لبعيد ،، و صباحكم جميل :58: |
اميل للخواطر و النثر اكثر من الشعر و الابيات المنظومه ،،
صح اكتب ابيات ،، و لا اعتبرها قصائد من اللي نشوفه و نقراه http://www.m5zn.com/newuploads/2017/...c6c6669edf.png لكن بعد هالرد على احدى ابياتي التي تُكتب على استحياء شي بداخلي يقول " قررت ان اصبح شاعرة " وهج .. شاعره بحجمك تعطيني هالنصيحة ،، احس فيني امل خخخ صح ان اللي اكتبه اشوفه بعيوني روعه ، بس ادري فيه ناس احسن مني كثير في الشعر لكني مثابرة ،، حبيت التصميم و تعلمته ، حبيت التصوير و تعلمته ،، و احب الشعر بس مدري ليه استحي لا اتعلمه خخخ لكن اني اكتب احساس و شعور و صور من الخيال ،، و تعلمت شي ،، ان الخيال الواسع يخدمك كثير ،، يعني وسعو دائرة الخيال عندكم |
| الساعة الآن 02:33 PM |
Powered by vBulletin® Version 3.8.8
Copyright ©2000 - 2025, vBulletin Solutions, Inc.