|
حكــاية قصيــرة ❥
الصباح
خُلق لنحيا من جديد و الحكايات القصيرة تتجدد ، و لا تموت ، صباح تجديد الأرواح ، |
|
صباحكم نور ،
نفسي أجي و أولع لمبات المنتدى ،، شكلكم ما سددتو فاتورة الكهرباء ، اتبرع لكم ب ريال و الشكوى لله ، اقولكم سر : ما اعرف أشارك ف المنتدى الا لما انزل النظارة خخخ كنت استغرب من ناس يسون هالحركه و صرت زيهم ، <- مره ثانيه بدخل بشمعه خخ |
|
هذا الصباح ، ينبض بحُب الاصدقاء للجمال من حولي امتناني ، صباحك حُب |
احس الناس مقسومه قسمين ،
و قسم يتجاهل قسم ، بس يجامله اوقات قليله ، ممكن الاسباب معلومه ، لكن سوء التصرف فاقم من هذي الاسباب ، يجب ان نتعلم كيف نحسن التصرف ، في الظروف الصعبه لانها هي اللي تصقل شخصيتك و تخليك اقوى من اول حط قدامك حدود لا تتجاوزها و لا يتجاوزها غيرك و اهداف تبي تحققها ، الانسان لو عاش بدون هدف ، او حدود لا يتجاوزها احد حياته ببلاش احسن له يموت <- خخخ زي اللي تقول انا ما عندي هوايات ،، اعطيني هوايه اسويها ، ^ هالبنت مدري وش تبي في الحياه خخ ما عليكم من كلامي بس انا اتأمل ف الاشخاص و الاماكن كثير ،، عشان كذا تجيني فلسفات و افكار ما سألت نفسك ليه عايش؟ * خلونا من الكلام الديني و العباده <- هذا امر مفروغ منه ايه ليه احنا عايشين ، تأمل فيها شوي ، راح تحدد تفكيرك و اسلوبك في الحياة استنى اختي تخلص و جا ببالي كلام <- ليتها تخلص بسرعه بس خخخ ما اطولها و هي قصيره ، خلاص ،، صبحت عليكم <- فيها منّه بعد خخ |
|
الصباح هاديء جداً كهدوئي
و بكل هدوء أقول : الجميع خائف ، و البعض منزعج ، و الآخرين مترقبون ، و أنا أقول إن الخطأ يدمح مره و اثنين ، و ثلاثه هي الاخيرة ، فإن كُنتُم تحبون فحافظوا ، و إن كنت مستهزءون فالله لا يترك احد و إن كُنتُم حانقون ، ف الشديد هو من مسك النفس عند الغصب و اعلموا انها لم تكن اكبر المشاكل ، انا قوية و الجميع اقوياء ، لكن العقل يمنعنا ان نمارس قوتنا فيما لا ينفع صباحكم هادي و سعيد <- عيال مين خخخ <- لازم تخربها ف الأخير |
|
لا أحب الكلام المنمق ،
و تستهويني الحروف الصادقه الحرف الذي يتسلل داخل الروح خلسة دون تشعر لتفيق و انت ممتلئ بحرف جميل ، أنغام يتراقص لها الإحساس صباحكم ممتلئ رقه |
مرره من المرات و انا أتصفح في جوالي
قريت جزء من كتاب نسيت اسمه بس اللي أتذكره انه ١٠٠ ملاحظه محفزة من الملاحظات اللي شدتني انه يقول خلي عندك دفتر و سميه دفتر الأحلام دوّن فيه أحلامك بالكتابة و الصور إن وجدت صراحه الفكرة حمستني كثير و ابي اطبقها ، و لي فتره اجمّع أحلامي عشان اكتبها <- عشان يصير الدفتر مليان خخخ سبق و قالي احد الاخوة إن هذي الفكرة مطبقه في حياته و جايبه نتائج ايجابيه و عشان طبعي الشين اللي هو التأجيل ، ما طبقت الفكره و لا أنجزت اللي ف بالي له عشر سنين ما سويته <- ابي اصفقني و بس |
https://c.top4top.net/p_484n6pv30.jpg
عجبني عنوان الكتاب ، و تحمست اقرأ محتواه كانت نفسي تراودني اشتري رواية بس ف الأخير شلت الفكرة من راسي لان بعض الروايات أحداثها تكئب و خفت اطيح ف وحدة منهم و فضلت اني اشتري الكتاب و اشتريت لبنتي يوميات طالب مشاغب قراءة سريعه الكتاب يبين مساوي المشاغبة و اتمنى انها تبطل شقاوة و بس |
و لا احد اعلم بما تخفي الصدور من الله
و لا احد اقدر بتسيير الأمور من الله من نِعم الله علينا بأن ما نكنه خافي و ما نعلنه بفضل الله صافي الكتاب اللي حطيت صورته سهل و سلس ، و مرافقته غير ممله ، لكن يأتي وقت النوم و يسرقنا من كل شي و نموت و نترك كل شيء جانباً ، حتى التفكير إلا فيما يسّر للقلوب الطاهرة سلام |
قاعدة امشي عليها :
عامل الناس ب أخلاقك ، و اترك لهم سوء الظنون ، |
|
الهدوء يعلمك فائدة الازعاج
و الازعاج يعلمك نعمة الهدوء التناقض يعلمك فائدة التوافق و التوافق يعلمك نعمة التناقض لم يخلق الله الاشياء و اضدادها إلا لفائدة و نعمة و لكل شيء يحدث لك فائدة و حكمة الروقان مع التعب ، تكون في عقلي تشكيلة غريبة من الافكار و الافكار تخلي الحروف تجي ورا بعضها بشكل منسجم غريبة صح ، كيف افكار تجي مع التعب و بشكل منسجم هذا عينه من التناقض العجيب ، و ما خفي اعظم .. |
بديت اخذ وضعية العجايز :17:
الحين وش مصحيني من بدري مدري <- نايمه الليل كله و تقول وش مصحيني خخ ما بقى الا اضبط لي دليلة قهوة و تمر و مظير و اكيّف خخخ مدري وش اقول بس بعلمكم اني انسانه نشيطه تعلمو مني ،، لا تفوتون الفرصه عليكم <- :60: |
http://www.m5zn.com/newuploads/2017/...359743bc69.jpg
رغم كل المنغصات و الاخبار الشينه ، الا اني ما اقدر اطاوعها ،، فجأه حزنت على شي ما كنت اتوقع احزن عليه ، بعدين قلبت الموازين و ابتسمت كل شي ف هالحياة زايل ، ليه نحمل قلوبنا فوق طاقتها ،، بس افكر في مدونتي هناك ، ما كملت حفظ كتاباتي :30: |
|
http://www.m5zn.com/newuploads/2017/...08ca1937b8.jpg
قبل خمس سنوات بنتي كانت محتفله فيني السالفه ايش .. ! كانت تقولي ياماما بجيب لك مفاجاه في عيد ميلادك رحت لخواتي قلت جيبو لغاده كيكه تسوي لي مفاجأه خخخ و انا بسوي نفسي متفاجأه خخخ و بالفعل سوينا عليها الفلم و صدقت و اليوم ما تدري عني و متزاعله انا وياها :( |
http://www.m5zn.com/newuploads/2017/...bf0b37f3fa.jpg
شوفو بنتي الثانيه اسمها " بو " صار عمرها ٤٤ خخخ اسم اللعبه pou |
وهل يأتي الصباح من دونك !
سأنام على أمل اللقاء |
تنفّس الصُبح و لم تتنفس ، و فقدت الأمل في العودة ،،
لا أعلم كم المدة التي يستغرقها قلبي في النسيان لكن ما أعلمه و اتيقن منه إنه لا يستطيع النسيان كل شيء يترك خلفه ذكرى جميلة .. لا يمكن نسيانه * تصدقون فيني البكيه <- شطحه لكن صباحكم ينبض بكل خير |
http://images.huffingtonpost.com/201...26153167_n.jpg
سامح الله من فرقنا و لا يدارينا ما يدري انه بفعلته ابكى قلوب قلوب كانت من حبها ما تبكينا كانت لنا عون لا هب الهبوب نضحك لها و تضحك تدارينا و ننسى هموم الزمان اللعوب |
ادري ممنوع الردبالمدونات
لكن الله العالم غصب عني ارد وبدون احس دخلت ابغى اقرأ رد ردين واطلع لقيت حالي اختم المدونه دون شعور مني واطلب المزيد وش هاليوميات الزينه |
عيونك الزينه ،
طهرك ي قلادة هو من يجعل كل ما حولك جميل لروحك باقة ياسمين *طلبتكم خلو رد قلادة عندي لا تحذفونه |
http://www.m5zn.com/newuploads/2017/...7a5377d3b0.jpg
من اجمل القلوب ، قلب صديقه اكثر من اخت معرفتي بها فوق ١٥ سنه و لا عمرها قالت شي يكدر خاطري كانت لي عون في اوقات ضيقتي و ضعفي هي الوحيده اللي ممكن انهار قدامها و لا استحي من شي الله لا يحرمني منها و يجعل نهايتنا في يوم واحد حبي لها كبير زي امي و خواتي بالضبط احوبها |
http://www.m5zn.com/newuploads/2017/...ad14d070b4.png
من عادتي ما احب احد يرد علي ف المدونه لكن وجودك و ربي انه عسل على قلبي ممتنه للمعتفس انه عرفني على هالارواح الطيبه و اولهم روحك |
اجمل شي ف الحياة لما يكون عندك الاحد اجازه
احس مو شايله هم بكرة ،، الله يسهل موعد بكرة ، دعواتكم طهر .. رحت جبت لي مكسرات عشان مسابقه الالغاز الليله جالسه امرن مخي خخخ |
http://www.m5zn.com/newuploads/2017/...0341edfe59.jpg
طهر على انك منافستي .. بس تعالي اكلي معي *مستحي* <- تضبطها عشان تفوز عليها خخخ |
كل ما تذكرتك ضاقت الدنيا علي
|
|
اصحاب القلوب البيضاء ، عملة نادرة ،
المحافظه عليهم ، امر هين ، و فقدانهم أسهل ، هم كالخيط الرفيع ، إن شددت عليه قُطع ،، ادعوا الله كل من يصادفني كـ بياض قلبي |
https://i2.wp.com/www.m5zn.com/newup...22de4d9216.jpg
تعانقك الحروف ………… كل ليلة و تعدك ، أن تبقى بجانبك ،، |
الصباح نعمة لا يشعر بها الا المصحصحون :d
صباحكم صحصحه :012: |
يالله ، ما توقعت الامور تمشي بهذي السهوله ..
سبحان الله الناس السمحه و السهله تسهل كل شي قدامك و الناس اللي مسوين انفسهم يعنني و اللي يصعبون كل شي يصعبون الامور عليك و يخوفونك الله يسهلها اكثر و اكثر |
٣
و يبدأ العد التنازلي |
اوقات اطفش من نفسي و من روتين حياتي
و يجي ف بالي اشياء مجنونه ، اكسر فيها الروتين و اوقات يجي ف بالي اني اختفي و محد يدري ويني و اكون هناك فوق غيمه و اراقب كل الناس و هم يدروني و اوقات يجي ف بالي اكسر هدوئي و اتكلم بصوت عالي بس كلها دقايق و ارجع طبيعيه ارجع انا انا و نوره اللي يعرفونها امممم ماني عارفه كيف الاعصاب تكون باهته ، اول دكتور يقولي كذا ،، حسيت ان اعصابي شوي و تختفي بس اللي جلست افكر فيه كيف اخليها ملونه و مو باهته تتوقعون من الهباله اللي ف راسي بهتت اعصابي خخخ الغريب اني ما اعصب الا على غادة المسكينه و تدرون اني حزينه على ٨٠ مدري ٩٠ صفحه اللي راحت :( و كل يوم ادخل ادورها و تدرون اني ما ارجع اقرا كلامي عشان ما احذفه خخ |
تدرون <- تكملت مسلسل تدرون خخ
امي تحب نغمة المنبه حقي خخخ اعترفت لي النغمه كيوت و ما يصحى عليها الا الناس الكيوتين مثلي خخ اصلاً كل جوالي كيوت من نعومته اخاف ينكسر <- والله من الرجه انا كنت ايفونيه ، فجأه قلت ابي اغير كل شي تعودت عليه و اول ما بديت في معجون الاسنان خخ و يوم انكسر جوالي و قررت اشتري جوال قلت لنفسي مابي ايفون قالت نفسي ابشري وش تبين قلت لها : ابي اشتري سامسونج قالت: طيب وش الموديل ؟ قلت : ابي اجدد شي تعرفيني بنت كشخه خخ قالت : طيب تامرين امر بعدين اشترت لي اللون الموف عشانها تعرفني كيوت <- يادي الكيووت خخخ خلصت كلامي بروح اشحنه <- الله يكملك بعقلك |
اعترف لكم اعتراف اول مره اقوله
في هذي اللحظه من الصباح ، اتمنى ما عندي بنت ، و بس |
| الساعة الآن 12:27 AM |
Powered by vBulletin® Version 3.8.8
Copyright ©2000 - 2025, vBulletin Solutions, Inc.