منتديات أمل عمري - دارت الايام واختل ميزان الحياه

دارت الايام واختل ميزان الحياه
يرفعون شان من لاشان له والعلم شان

لجل تحسين صورته لكن الله ماعطاه
بخروه بالعود والورد وغصن الضيمران

ماسبق وان سر نفسه ولاغادر فناه
فرقة الكامبارس تجر اللحن باليل دان

بالتصور والمحاباه يرفع شان شاه
والله ان الوقت ماسر ني والكل بان

من سلك درب المعالي تقفينا خطاه
كلمة الرجال تحسب عليه هذا الزمان

درتها فالراس والعقل يرفع مستواه
قولي المشهود بين العرب بالتزان

ابدوي بالطيب والجود ماتلحق مداه
مكرم الضيفان بصفر الدلال وكبش ضان

والصقور الجارحه حلقت باعلا سماه
والبوم في حافة الاوديه متصارعان

سيفي المسلول اسنه على خشم العداه
قاصفات ترسل وتوصل الي بر الأمان

ابدوي عاشق حياة البداوه ورث اباه
بالاصاله والفخر كاسبه من حيث كان

ماعشق حب الخشوم لو تفارقه الحياه
مايحيد عن موقف الطيب وبالميثاق صان

امقت اهل الكبر والغطرسه بالحيل طغاه
من يعز النفس يجدها بدون الهيلمان

شلة حسب الله ماتحجب الشمس عن ضياه
غطرفي يا البنت تمايل لك عود الخيزان

سقتها سوق المطايا على ظهر الفلاه
ابتلشنا في شبيه الرجال القربعان

السكب 12