حكــاية قصيــرة ❥

يسعد لي قلبك ي طهر .. و يسعد لي روحك الجميله
تخليني اتحمس و اسولف اكثر خخخ ..
بس مدري اليوم فيه هلوسة ثالث العيد او لا
خليني اطلع انام و تبدأ الهواجيس و تبدأ السوالف ..

اممم اليوم ثالث العيد ..
و احساس الاجازه جميل صراحه ما اعد الايام على الدوام
او بالاصح نسيت ان عندي دوام خخخ

في سنه من السنوات .. كنا نحب نواصل و نسهر
بس الحين خلينا هالموال اللي اصغر منا ..
عيال الابتدائي و المتوسط .. و احنا كبرنا على هالاشياء
السهر بالنسبه لنا صار ممل ..
طلعت انام و كنت باخذ بنتي معي .. بس شفتها مبسوطه و سهرانه مع الشله و خليتها ..
بس ابشركم انا و ياها ما تهاوشنا اليوم على اللبس ..
اقولكم شي قهرني ..
مرة تهاوشت انا و غاده . . اذا عصبت عليها صاحت و اذا هديت صاحت ..
قلت يا ماما وش اسوي معك مو عااجبك شي
قالت انتي بكل حالاتك تقهريني .. انا وقتها صدمت ..
قلت ما عندي رد اقوله لك .. اوقات تجنني الله يصلحها

امممم .. تدرين ي طهر ودي اسولف عشانك خخخ
بس اخاف يجي يوم و تملين و تقولين ليتني ما عطيتها وجه خخخ

كان في بالي سالفه و طارت خخخ


تذكرتها ..
كثير منتديات جيتها و يعجبوني بنات و نكون صحبه في المنتدى ..
و اتوقع اني لو بصاحبهم برا المنتدى انفع ..
بس وحده توصلت معها برا المنتدى و احس اني ما انفع اسولف ..
يعني عادي اسولف هنا بس برا لا ارجع لطبيعتي
مدري هو تناقض و الا نفاق و الا اني اسوي نفسي ..

بس فعلا المنتديات تعطيك مساحه مريحه تتحرك فيها ..
تحس انك تكتب كلمتين هنا و كلمتين هناك و تضيع بين الردود و المواضيع .. و محد يحس فيها ..

اليوم انا متضايقه .. و مادريت انه باين على وجهي
الا الين قالي خالي وش فيك وش مزعلك ..
لان دايم يطقطق و احب اطقطق معه و احارشه ..

قلت و لا شي بس نعسانه .. و انا اصرف خخخخ

هي فتره و تعدي يجيني فترات انفس مع نفسي
و ارجع اروق بسرعه ..

الحمدلله على كل شي ..

ما كأني قلبتها نكد خخخخ
عادي لازم تعرفون اني نفسيه ..

يمكن فيه ناس وعدوني ما يضايقوني و ضايقوني
و انا زودتها حبتين .. مفروض ابلعها زي ما بلعت اللي قبلها ..
بس هي اثارت شي داخلي ..
شين انك تكبت تكبت .. و مسوي نفسك قوي ..
و من شي بسيط تنفجر ..

ما عليك ي طهر بكره اجيك بنفسيه حلوه ..
اوقات ي طهر احس اني انا و انتي في المنتدى لحالنا .

مدري وش ذا الاحساس ..
ما هو قصور في احد كلكم على عيني و راسي

بس طهر ترفّع لي خخخ
ي حبي لك ♡

صباحكم ورد ..
♡

لجمال ارواحكم باقة ياسمين

سبحان الله .. دنيا غريبه .. و نعيش و نشوف ..
في بعض الناس ما ينفع معهم الطيبه و العطاء ..
مهما تعطيهم و تكون طيب معم .. ينكرون ..
تبي الناس يمشون على مزاجهم .. و ان ما مشوا على مزاجهم
وضعوهم في خانة الاعداء .. و نسوا كل شي ..

ناس غريبه .. و دنيا غريبه .. و لازلنا نعيش و نشوف ..


عيش بقلب نظيف راضي عن نفسك ..
قلب ابيض لا يكره و لا يحقد
قلب محب للجميع ..

و محد يسيء لك .. الا ضعاف النفوس
و هذي مقدور عليها .. ترميهم ورا ظهرك و تمضي ..

في اشخاص معينه ودي اجمعهم في مكان واحد
تشتت و انا اتابعهم هنا و هناك
المشكله اني استحي اجمعهم ف مكان واحد خخ

ما اعرف ليه الناس نفسيات و تحب النكد
ما يدرون اننا بنموت و نترك كل شي ورانا

كم اتمنى ان تكون الذاكرة مثقوبة ..

بعض الناس يحسبون انفسهم مهمين ..
مادروا انه تواضع مني .. نزلت ..

قاسية بما يكفي ،، كي اتجاوزك ،،

لم اكن بهذه المزاجية من قبل ،،
و لم اكن بهذه الطباع السيئه ،،

لكن اتقبلني ،، عندما لا يتقبلني الآخرون ،،