مقــهى البـوح الشـعري ..،، تفضل أرتشف قهوتك

أنت لو تطلب ما ضمّت ضلوعي قلت جاك
أسهج الضلع الموالي و أخذ مما يليك .

يا ابلغ من الشوق والتعبير
واجمل من الشعر والأحلام

ماهو بكل عام وانت بخير
لانّك الخير في كل عام.

إقتنعت إن الليالي متاحف ذكريات
يوم تبطي سجة البال بين أسوارها .

سلّم على اللي لا تغيّب تشرهت
واليا تواجهنا تضيع المشاريه

وما دامنا نمشي على الأرض حيين
ولا بعد صرنا تحتها هياكل

بنبكي ونضحك وبتشين وتزين
بنجوع وبنضمى بنشرب وناكل

من علق اماله على باب احتمال
لايشره ان شاف الحظوظ مدبره .

ما قدرت آسلى وجيه كانت بـ حقي كريمة

والغلا ؟ طرقه وانا طرقي مع . . الطرقيه
ماسكٍ ذاك الطريق السمح لين اصلك

لي صاحبن بالوفا قام يتحداني
احيان اغلبه وبعض احيان يغلبني

يقول انا فزعتك لاجيت تنخاني
واقول انا فزعتك قدام تطلبني