مقــهى البـوح الشـعري ..،، تفضل أرتشف قهوتك

يعجبني اللي فاهم ويفهم الناس
وليا سألته قال ما أوحيت ماشفت

تقول ماعنده مشاعر ولا إحساس
متغابي وساكت وهو يعرف الكفت.

جعل ذعذاع الهبايب لاذعذع واستدار
يستدير بمقفيات المخايل و القنوف

تجتمع مثل المواليف عقب الانتظار
وتنثني مثل المطاليق في وجيه الظروف .

رهيف شعور و يداري شعور الخاطر المكسور
رغم كل الشدايد ماتنازل عن طموحاته

بنا مستقبل احلامه من أفكار وصور و شعور
إذا الواقع قسى يرحل و يسكن في خيالاته

لا تقيدني وأنا حر الجناح ..

لاتلوم نفسك وانت ماقصرت بعطاياك
طبايع الخلق تجحد من كثر العطى.

تنبت على كفوف الكريم السنابل
وتموت في كف الردي مدّة الطيب.

غربة القلب شافت في محانيك ديرة
واستقامت وسط عوجك قديم الرجاوي .

ما أقول في بعض الاحيان أحبّك
أنا اللي أحبّك .. في كل الأحيان

الاجواد واجد والمعاريف طولة راس
عسانا ماناقف ماقف الهون والذله .

ليا علقو حبل الرجا في متون الناس
طويت الحبال وقلت الارزاق عند الله.

أتفاخر بك وأحبك يـ الجناب الطيّب
وأتباهى في وصالك جعل راسك سالم ㅤ .

جعلك انت اللي على باقي الحياه قريّب
دامني في حضرتك كني ملكت العالم.