مقــهى البـوح الشـعري ..،، تفضل أرتشف قهوتك

من علمك ان السهر هم وازعاج ؟
احلى ليالي العمر .. مانمت فيها .

ما بين شِعرك والمسا والمسرات
هذا الجمال يمر مثل السحابه ..

تمطر علينا حرف شاهق وزخات
تغسل صدورٍ قد ملتها الكآبة ..

حتى القصايد خصرها مال بالذات
صوب النسيم اللي هبوبه ربابة ..

أبدعت في فنك بدون احتمالات
هالحرف غيم وقيمته فـ انسكابه ..

أكبر مكاسيب عيني، من سهر عيني
أحلام ليلٍ نفضها الصبح في كمّه.

البارح أحارب نعاسي عشان أسهر
واليوم أدوّر على الغفوه.. ولا ألقاها .

"أخاف عليك " أختصروها البدو بـ "أحنك"
كلمة شاعرية وفيها بلاغة لغوية وإيجاز عجيب ..
قالوا فيها :
؛
مطحس بن حمد /
معي منك جرح وسم بالله عليه وداو
اداريك و احنك من اثمه و مشروهه .
؛
جابر النشيرا /
أحنك من الوداع ومن جروح الوداع
مثل ما أحن الرفيق الطيب من الردى .
؛
مدغم أبو شيبه /
أحنك مثل ما أحن وجهي من المنقود
وأعدك ليا عديت الأيام وش جابت .

عليك الكرامه واقفه والشعور يعسّ
اماكن لقانا كلها ملح ،، من ملحك

يقول محمد بن هرشان /
قبل الدموع تهلّ و الفرقا تحين
تكفين بـ اسأل و الجواب يهمّني

بالله من علمك تلويح اليدين ؟
انا احسب يدينك ما غير تضمّني.

ياسرع صوتك وهو رايح لدرب الكلام
ما شاف أحبّك وهي تنتظره يمرّها ؟!

ما شفت منه غير تم و تبسّام
ما كشّـر بوجهي ولا قد تردى

وفاه مقيدٍ شوفي .. وأنا وافي من الوافين