مقــهى البـوح الشـعري ..،، تفضل أرتشف قهوتك

والله انه مايعذب مهجتي واحساسي
غير فرقا اللي مصافيني وانا ودي به

دوروا لي عين .. ماتدمع وقلبٍ قاسي
والله اني لا اشتري الاثنين باللي هي به

طمن اللي عنده ان المحبه " ما تشاف
لين يطلع لـ البكى طعم و النظرات صوت

انا خايف من فراقك .. ولا ودي تخاف
من فراقي لأن : ماهوب صايرٍ لين اموت .

الزلّـه .. اللي لها عامين ما تنّسي
والفزعه اللي لها يومين ما تذكر .

عزة النفس بشتٍ ما يعلّق بمعلاق
تشيّخك لو تمشي على الارض حافي.

لا تنطح المعضلات إلا بصبرٍ جميل
أو هقوة ٍما تخلَّي لـ الهزيمه مجال.

يوم أمطرت ربّع شعوري وسال الملام
وماكان ناقصني إلّا شوفتك تبتسم

الخارجين من الهروب إلى الهروب
و الداخلين من المهم إلى الأهم

و الجالسين بنصف قلب و نصف كوب
فراغهم يملأ …. المكان المزدحم.

كنّك وكاد . . وكنّ غيرك هقاوي .

عاد للماضي الجميل اللي رحل فالعين صوره
وعاد قلبي مانسى ضحك الوجيه اللي صدفها

كن صدري ديرةٍ من جملة النااس امهجوره
الدهر جفّف موااااردها و عشىّ في طرفها

من كثر ما قفى ونسها والشجر ماتت جذوره
لو وطاها واحدٍ قد حل فييييها . . ما عرفها

أزرع دروبي في معاريفي ازهار
ما أحب أخلي شوك ينبت خلافي